LSG vs PBKS : 6,6, कॅप्टन ऋषभ पंतचा एकहाती षटकार, मार्को जान्सेनची धुलाई, एका ओव्हरमध्ये किती धावा? पाहा व्हीडिओ

पंजाब किंग्सने रविवारी 19 एप्रिलला आयपीएल स्पर्धेच्या 19 व्या मोसमातील सर्वोच्च धावसंख्या उभारली. प्रियांश आर्य आणि कुपर कोनोली या दोघांनी केलेल्या वादळी खेळीच्या जोरावर पंजाबने घरच्या मैदानात लखनौ सुपर जायंट्ससमोर 250 पार मजल मारली. पंजाबने 20 ओव्हरमध्ये 7 विकेट्स गमावून 254 धावा केल्या. विजयी धावांचा पाठलाग करताना लखनौने सुपर सुरुवात केली. मिचेल मार्श आणि आयुष बडोनी या दोघांनी पावरप्लेच्या पहिल्या 6 षटकांत 61 धावा जोडल्या. आयुषच्या रुपात लखनौने पहिली विकेट गमावली. आयुषने 35 धावा केल्या. त्यानंतर कॅप्टन ऋषभ पंत मैदानात आला. पंतने पहिल्याच ओव्हरमध्ये कमाल केली. पंतने मार्को यान्सेनसारख्या उंचपुऱ्या गोलंदाजांसमोर एकहाती षटकार लगावले. पंतने या ओव्हरमध्ये एकूण 2 षटकार लगावले. पंतच्या या फटकेबाजीचा व्हीडिओ सोशल मीडियावर व्हायरल झाला आहे.

ऋषभ पंत त्याच्या उलटसुलट आणि अतरंगी फटकेबाजीसाठी ओळखळा जातो. मात्र पंतला या मोसमात एका खेळीचा अपवाद वगळता आतापर्यंत आपल्या लोकीकौला साजेशी खेळी करता आली नव्हती. मात्र पंत पंजाबसमोर 255 धावांचा पाठलाग करताना कसं आणि किती योगदान देतो याकडे क्रिकेट चाहत्यांचं लक्ष होतं. मात्र पंतने चाहत्यांची निराशा केली नाही. पंतने यान्सेनची धुलाई करत एकाच ओव्हरमध्ये 2 षटकार लगावले.

लाईव्ह स्कोअर

मार्को यान्सेन याने टाकलेल्या लखनौच्या डावातील सातव्या षटकातील पहिल्या चेंडूवर मिचेल मार्श याने 1 धाव घेतली. त्यामुळे पंत स्ट्राईकवर आला. पंतने एक धाव घेत मार्शला स्ट्राईक दिली. मार्शने पुन्हा तेच केलं. मार्शने 1 धाव घेतली. त्यामुळे पंत पुन्हा स्ट्राईकवर आला. त्यानंतर पंतने धमाका केला. पंतने चौथ्या आणि पाचव्या बॉलवर मार्को यान्सेनला सलग 2 षटकार लगावले.

ऋषभ पंतचा एकहाती सिक्स, मार्को जान्सेनची धुलाई

एका ओव्हरमध्ये 2 सिक्ससह 15 धावा

पंतने मारेलला पहिला सिक्स हा 79 मीटर दूर गेला. त्यानंतर पंतने मारलेला दुसरा षटकार हा पहिल्या सिक्सच्या तुलनेत आणखी 10 मीटर दूर गेला. पंतने मारलेला दुसरा सिक्स हा 89 मीटर इतका लांब गेला. मात्र यान्सेनने ओव्हरमधील सहाव्या आणि शेवटच्या बॉलवर एकही धाव दिली नाही. अशाप्रकारे मार्श आणि पंत या दोघांनी यान्सेनच्या ओव्हरमध्ये एकूण 15 धावा मिळवल्या.