T20 World Cup 2021: क्विंटन डीकॉकचा माफीनामा, पुढच्या सामन्यात गुडघ्यावर बसण्यास तयार
दक्षिण आफ्रिकेचा सलामीवीर आणि यष्टीरक्षक फलंदाज क्विंटन डी कॉकने वेस्ट इंडिजविरुद्धच्या सामन्यात केलेल्या कृत्याबद्दल माफी मागितली आहे. कॅरेबियन संघाविरुद्धच्या सामन्यात त्याने गुडघे टेकण्यास नकार दिला होता.
दुबई : दक्षिण आफ्रिकेचा सलामीवीर आणि यष्टीरक्षक फलंदाज क्विंटन डी कॉकने वेस्ट इंडिजविरुद्धच्या सामन्यात केलेल्या कृत्याबद्दल माफी मागितली आहे. कॅरेबियन संघाविरुद्धच्या सामन्यात त्याने गुडघे टेकण्यास नकार दिला होता. यामुळे त्याने सामना सुरू होण्यापूर्वीच प्लेइंग इलेव्हनमधून आपले नाव मागे घेतले. पण, आता डीकॉकला आपल्या कृत्याची लाज वाटत असून, त्याने सहकारी खेळाडूंसह क्रिकेट चाहत्यांची माफीही मागितली आहे. (Quinton de Kock apologises, will take the knee, Black Lives Matter)
खरं तर, वेस्ट इंडिजविरुद्धच्या सामन्यापूर्वी क्रिकेट दक्षिण आफ्रिकेने प्रत्येक सामन्यापूर्वी सर्व खेळाडूंना गुडघे टेकावे लागतील, अशा सूचना दिल्या होत्या. क्विंटन डी कॉकने त्याच्या क्रिकेट बोर्डाच्या या सूचनेचे पालन करण्यास नकार दिला आणि सामन्यातून माघार घेण्याचा निर्णय घेतला. पण, आता त्याने आपल्या कृत्याबद्दल माफी मागितली असून, क्रिकेट बोर्डासमोर गुडघे टेकले आहेत. खेळाडूंनी गुडघे टेकल्याने जागरुकता पसरत असेल, आणि कृष्णवर्णीयांचं आयुष्य अधिक चांगलं होत असेल तर त्याने मला आनंदच होईल, असे डीकॉकने म्हटले आहे.
डीकॉकचा माफीनामा
डीकॉकने दक्षिण आफ्रिका क्रिकेट बोर्डामार्फत जारी केलेल्या निवेदनात म्हटले आहे की, “मला माझे संघ सहकारी आणि दक्षिण आफ्रिका क्रिकेट चाहत्यांची माफी मागायची आहे. मला तो मुद्दा बनवायचा नव्हता. माझ्यासाठी दक्षिण आफ्रिका आणि या देशासाठी क्रिकेट खेळण्यापेक्षा काहीही महत्त्वाचे नाही. मला माझ्या देशासाठी पुन्हा क्रिकेट खेळायचे आहे. मला विश्वचषक जिंकायचा आहे. एक खेळाडू म्हणून मला माझी जबाबदारी माहीत आहे. रेसिज्मच्या विरोधात उभे राहणे काय असते हे देखील मला माहीत आहे. माझ्या गुडघ्यावर बसण्याने लोक शिक्षित होत असतील तर मला यापेक्षा जास्त आनंद होणार नाही.
Quinton de Kock statement ? pic.twitter.com/Vtje9yUCO6
— Cricket South Africa (@OfficialCSA) October 28, 2021
आंतरराष्ट्रीय करिअरवरील धोका टळला
यापूर्वीच्या मीडिया रिपोर्ट्सनुसार, डीकॉकने गुडघ्यावर बसण्यास नकार दिल्याने दक्षिण आफ्रिका क्रिकेट बोर्ड चांगलेच संतापले होते. तसेच क्रिकेट बोर्ड मोठ्या कारवाईच्या तयारीत होतं, ज्यामुळे डीकॉकच्या आंतरराष्ट्रीय कारकिर्दीला ग्रहण लागू शकते. पण आता डावखुऱ्या यष्टिरक्षक फलंदाजाच्या माफीनंतर त्याच्या आंतरराष्ट्रीय कारकिर्दीवरील धोका टळला आहे. दक्षिण आफ्रिकेने वेस्ट इंडिजविरुद्धचा सामना डेकॉकशिवायही जिंकला. आता सुपर 12 सामन्यांमध्ये दक्षिण आफ्रिकेचा संघ डीकॉकसह मैदानात उतरताना पाहायला मिळेल.
इतर बातम्या
India vs New zealand: झहीर खानचा टीम इंडियाला मोलाचा सल्ला, सांगितली न्यूझीलंड संघाची खरी ताकद
India vs New zealand: खुशखबर! हार्दीकने सुरु केली गोलंदाजी, न्यूझीलंड विरुद्धच्या सामन्यासाठी सज्ज
(Quinton de Kock apologises, will take the knee, Black Lives Matter)
