RR vs MI Score Updates and Highlights IPL 2026 : राजस्थान रॉयल्सने मुंबई इंडियन्सला 27 धावांनी नमवलं

राजस्थान रॉयल्सने सलग तिसऱ्या सामन्यात विजय मिळवला आहे. मुंबई इंडियन्सला 27 धावांनी पराभूत करत गुणतालिकेत पहिलं स्थान पटकावलं आहे. पावसामुळे हा सामना 11 षटकांचा झाला. प्रथम फलंदाजी करताना राजस्थानने 150 धावा केल्या आणि विजयासाठी 151 धावांचं आव्हान दिलं. मुंबई इंडियन्स 11 षटकात 9 गडी गमवून 123 धावा करू शकला.

ट्रेंट बोल्टच्या रुपाने मुंबई इंडियन्सला नववा धक्का बसला आहे. ट्रेंट बोल्ट धावचीत झाला. त्याने 2 चेंडूत 1 धाव करून बाद झाला.

शार्दुल ठाकुर 7 चेंडूत 8 धावा करून बाद झाला. त्यामुळे मुंबई इंडियन्सचा पराभव आता औपचारिकता असणार आहे. कारण प्रत्येक चेंडूवर षटकार मारणार फलंदाज उरला नाही.

मुंबई इंडियन्सचा पराभव आता निश्चित झाला आहे. नमन धीर बाद झाल्याने आता मोठे  फटके मारणारा फलंदाज कोणीच उरला नाही. त्यामुळे मुंबई इंडियन्सला सातवा धक्का बसला. नमन धीर 13 चेंडूत 25 धावा करून बाद झाला.

मुंबई इंडियन्सला रदरफोर्डच्या रूपाने सहावा धक्का बसला आहे. 8 चेंडूत 25 धावांची खेळी करून बाद झाला. रदरफोर्ड बाद झाल्याने उरल्या सुरल्या आशाही संपुष्टात आल्या आहेत.

टीम इंडियाचा निम्मा संघ तंबूत परतला आहे. त्यामुळे पराभव आता निश्चित झाला आहे. तिलक वर्माच्या रूपाने पाचवा धक्का बसला. 10 चेंडूत 14 धावा करून बाद झाला आहे.

हार्दिक पांड्याही काही खास करू शकल नाही. रवि बिश्नोईच्या गोलंदाजीवर षटकार मारण्याच्या नादात झेल बाद झाला. त्यामुळे या सामन्यात मुंबईचा पराभव आता निश्चित झाला आहे.

राजस्थान रॉयल्सने बलाढ्य आव्हान दिलं असताना मुंबई इंडियन्सचा डाव पत्त्यासारखा कोसळला. रोहित शर्माही काही खास करू शकला नाही.  6 चेंडूत 5 धावा करून बाद झाला.

मुंबई इंडियन्स सूर्यकुमार यादवच्या रूपाने दुसरा धक्का बसला आहे. सूर्यकुमार यादव 3 चेंडूत 6 धावा करून बाद झाला. त्यामुळे मुंई इंडियन्सचं टेन्शन वाढलं आहे.

मुंबई इंडियन्सला रयान रिकल्टनच्या रूपाने पहिला धक्का बसला आहे. 8 धावा करून जोफ्रा आर्चरच्या गोलंदाजीवर बाद झाला. मोठं आव्हान असल्याने मुंबई इंडियन्सला ही विकेट धावगतीला ब्रेक लावणारी ठरली.

मुंबईच्या बॅटिंगला सुरुवात झाली आहे.  रोहित शर्मा आणि रायन रिकेल्टन ही सलामी जोडी मैदानात आली आहे.  राजस्थानने मुंबईसमोर 11 षटकांच्या सामन्यात 151 धावांचं आव्हान ठेवलं आहे.

राजस्थान रॉयल्सने 11 षटकांच्या सामन्यात फटकेबाजी केली आहे. राजस्थानने गुवाहाटीत मुंबई इंडियन्ससमोर 151 धावांचं आव्हान ठेवलं आहे. राजस्थानने 3 विकेट्स गमावून 11 ओव्हरमध्ये 150 रन्स केल्या. राजस्थानसाठी  यशस्वीने सर्वाधिक 77 धावा केल्या. आता मुंबई हे आव्हान पूर्ण करत जिंकणार का? हे पाहणं महत्त्वाचं ठरणार आहे.

अल्लाह गजनफर याने राजस्थानचा कॅप्टन रियान पराग याला तिलक वर्मा याच्या हाती कॅच आऊट केलं आहे. अल्लाहने यासह वैयक्तिक दुसरी विकेट मिळवत राजस्थानला तिसरा झटका दिला आहे. रियानने 20 धावा केल्या.

मुंबईने राजस्थानला दुसरा झटका दिला आहे. अल्लाह गजनफर याने ध्रुव जुरेल याला 2 रन्सवर एलबीडब्ल्यू आऊट केलं आहे. त्यामुळे राजस्थानचा स्कोअर 5.4 ओव्हरमध्ये 2 आऊट 84 असा झाला आहे.

शार्दूल ठाकुर याने राजस्थान रॉयल्सला पहिला झटका दिला आहे. शार्दूलने विस्फोटक फलंदाज वैभव सूर्यवंशी याला मैदानाबाहेरचा रस्ता दाखवला आहे. वैभवने 14 बॉलमध्ये 39 रन्स केल्या.

वैभव सूर्यवंशी आणि यशस्वी जैस्वाल राजस्थानच्या या युवा आणि ओपनिंग जोडीने मुंबई विरुद्ध आक्रमक आणि तडाखेदार सुरुवात केली आहे. या दोघांनी 11 ओव्हरच्या सामन्यातील पहिल्या 4 षटकांत 62 धावांची भागीदारी केली आहे.

पावसाच्या व्यत्ययानंतर अखेर राजस्थान विरुद्ध मुंबई सामन्याला सुरुवात झाली आहे.  मुंबईने राजस्थानला बॅटिंगसाठी भाग पाडलं आहे. राजस्थानकडून वैभव सूर्यवंशी आणि यशस्वी जैस्वाल सलामी जोडी मैदानात आली आहे.

मुंबई इंडियन्स प्लेइंग इलेव्हन : रोहित शर्मा, रायन रिकेल्टन (विकेटकीपर), तिलक वर्मा, सूर्यकुमार यादव, हार्दिक पांड्या (कर्णधार), नमन धीर, शार्दुल ठाकूर, दीपक चहर, अल्लाह गझनफर, ट्रेंट बोल्ट आणि जसप्रीत बुमराह.

राजस्थान रॉयल्स प्लेइंग ईलेव्हन: वैभव सूर्यवंशी, यशस्वी जैस्वाल, ध्रुव जुरेल, रियान पराग (कॅप्टन), शिमरॉन हेटमायर, डोनोवन फरेरा, रवींद्र जडेजा, जोफ्रा आर्चर, नांद्रे बर्गर, तुषार देशपांडे आणि संदीप शर्मा.

मुंबई इंडियन्सने राजस्थान रॉयल्स विरुद्ध टॉस जिंकला आहे. मुंबईचा कॅप्टन हार्दिक पंड्या याने राजस्थान विरुद्ध फिल्डिंगचा निर्णय घेतला आहे. उभयसंघात पावसामुळे 11 ओव्हरचाच सामना होणार आहे.ं

राजस्थान रॉयल्स विरुद्ध मुंबई इंडियन्स यांच्यात पावसामुळे 20 ओव्हरचा सामना होणार नसल्याचं स्पष्ट झालं आहे. पावसामुळे 2 तासांपेक्षा वेळ वाया गेला. त्यामुळे आता 20 ऐवजी 11 षटकांचा खेळ होणार आहे.

गुवाहाटीत पाऊस थांबल्यांतर मोठी अपडेट समोर आली आहे. राजस्थान विरुद्ध मुंबई सामन्यासाठी रात्री 9 वाजून 55 मिनिटांनी टॉस होणार आहे.

गुवाहाटीत 2 तासांच्या बॅटिंगनंतर अखेर पावसाने विश्रांती घेतली आहे. त्यामुळे दोन्ही संघांसह चाहत्यांना मोठा दिलासा मिळाला आहे. त्यामुळे आता चाहत्यांना टॉस केव्हा होणार? याची प्रतिक्षा लागून आहे.

एका बाजूला ग्राउंड स्टाफचे खेळपट्टी आणि मैदान कोरडं करण्यासाठी प्रयत्न सुरु आहेत. तर दुसऱ्या बाजूला गुवाहाटीत पावसाची बॅटिंग सुरुच आहे. त्यामुळे पाऊस थांबण्याची चाहत्यांना प्रतिक्षा आहे.

पावसामुळे राजस्थान रॉयल्स विरुद्ध मुंबई इंडियन्स सामन्यातील नाणेफेकीला विलंब झाला आहे. टॉस 7 वाजता होणार होता. मात्र 8 वाजून गेल्यानंतरही अद्याप टॉस झालेला नाही. त्यामुळे चाहत्यांना टॉसची प्रतिक्षा लागून आहे.

राजस्थान रॉयल्स विरुद्ध मुंबई इंडियन्स यांच्यातील टॉस नियोजित वेळेनुसार संध्याकाळी 7 वाजता होणं अपेक्षित होतं. मात्र गुवाहाटीत पाऊस होत असल्याने टॉसला विलंब झाला आहे.

राजस्थान रॉयल्स विरुद्ध मुंबई इंडियन्स सामन्याला संध्याकाळी 7 वाजून 30 मिनिटांनी सुरुवात होणार आहे. त्याआधी 7 वाजता टॉस होणार आहे. नाणेफेकीचा कौल कुणाच्या बाजूने लागतो हे पाहणं महत्त्वाचं ठरणार आहे.

मुंबईने आयपीएलच्या इतिहासात राजस्थान विरुद्ध सर्वाधिक सामने जिंकले आहेत. उभयसंघात एकूण 31 सामने झाले आहेत. मुंबईने त्यापैकी 16 सामने जिंकले आहेत. तर राजस्थानने 14 सामन्यांत विजय मिळवला आहे.

आयपीएल स्पर्धेच्या 19 व्या मोसमात राजस्थान रॉयल्स अजिंक्य आहेत. राजस्थानने दोन्ही सामना जिंकलेत. राजस्थान पॉइंट्स टेबलमध्ये तिसऱ्या स्थानी आहे. तर मुंबईने 2 पैकी 1 सामना जिंकला आहे. मुंबई पॉइंट्स टेबलमध्ये सहाव्या क्रमांकावर आहे.

राजस्थान रॉयल्स टीम : यशस्वी जैस्वाल, वैभव सूर्यवंशी, ध्रुव जुरेल (विकेटकीपर), रियान पराग (कॅप्टन), शिमरॉन हेटमायर, डोनोवन फरेरा, रवींद्र जडेजा, जोफ्रा आर्चर, नांद्रे बर्गर, तुषार देशपांडे, संदीप शर्मा, रवी बिश्नोई, लुआन-ड्रे प्रिटोरियस, ब्रिजेश शर्मा, रवी सिंग, शुभम दुबे, ॲडम मिल्ने, दासून शनाका, कुलदीप सेन, सुशांत मिश्रा, युधवीर सिंग चरक, क्वेना मफाका, विघ्नेश पुथूर आणि अमन राव पेराला.

मुंबई इंडियन्स टीम : रयान रिकेल्टन (विकेटकीपर), रोहित शर्मा, तिलक वर्मा, सूर्यकुमार यादव (कर्णधार), शेरफेन रदरफोर्ड, नमन धीर, मिशेल सँटनर, कॉर्बिन बॉश, शार्दुल ठाकुर दीपक चाहर, जसप्रीत बुमराह, मयंक मारकंडे, ट्रेंट बोल्ट, रॉबिन मिंज, राज बावा, अश्विनी कुमार, हार्दिक पंड्या, क्विंटन डी कॉक, विल जॅक्स, मयंक रावत, रघु शर्मा, अथर्व अंकोलेकर, एएम गजनफर, दानिश मालेवार आणि मोहम्मद सलाहुद्दीन इजहार.

राजस्थान रॉयल्स आज मंगळवारी 7 एप्रिलला घरच्या मैदानात आपल्या मोहिमेतील तिसरा सामना खेळण्यासाठी सज्ज झाली आहे. राजस्थान या सामन्यात मुंबई विरुद्ध भिडणार आहे. मुंबईला या मोसमातील 2 पैकी 1 सामनाच जिंकता आला आहे. त्यामुळे पलटण या सामन्यात विजय मिळवून कमबॅक करणार का? हे पाहणं महत्त्वाचं ठरणार आहे.