मोठी बातमी : भारताचे मुख्य प्रशिक्षक रवी शास्त्रींना कोरोनाची बाधा, आणखी चार सदस्य विलगीकरणात

भारत आणि इंग्लंड यांच्यातील चौथा कसोटी सामना रंगतदार स्थितीत असतानाच एक मोठी आणि धक्कादायक बातमी समोर आली आहे. भारतीय संघाच्या ताफ्यात कोरोनाने शिरकाव केला आहे.

मोठी बातमी : भारताचे मुख्य प्रशिक्षक रवी शास्त्रींना कोरोनाची बाधा, आणखी चार सदस्य विलगीकरणात
रवी शास्त्री

लंडन : भारत आणि इंग्लंड (India vs England) यांच्यात चौथी कसोटी इंग्लंडच्या ओवल मैदानात सुरु आहे. आज कसोटीचा चौथा दिवस असून भारतीय संघाच्या ताफ्यात कोरोनाने शिरकाव केला आहे. भारतीय संघाचे मुख्य प्रशिक्षक रवी शास्त्री (Ravi Shastri) यांना कोरोनाची लागण झाली आहे.

नुकत्याच समोर आलेल्या माहितीनुसार शास्त्री कोरोनाबाधित आढळल्यानंतर त्यांच्यासह चौघांना विलगीकरणात ठेवण्यात आले आहे. यामध्ये गोलंदाजी प्रशिक्षक भरत अरुण, क्षेत्ररक्षण प्रशिक्षक आर श्रीधर आणि फिजिओथेरपिस्ट नितीन पटेल यांचा समावेश आहे. सध्या चौथी कसोटी सुरु असून या सर्वांच्या अनुपस्थितीत भारतीय संघ खेळत आहे.

चौथ्या कसोटीत आतापर्यंत..

इंग्लंडचा कर्णधार जो रुटने नाणेफेक जिंकत गोलंदाजीचा निर्णय घेतला. त्यानंतर भारताचा पहिला डाव अवघ्या 191 धावांवर संपुष्टात आला. त्यानंतर इंग्लंडने पहिल्या डावात 290 धावांपर्यंत मजल मारत 99 धावांची आघाडी मिळवली होती. मात्र पिछाडीवर असलेल्या भारतीय संघाने दुसऱ्या डावात चांगलीच मुसंडी मारली आहे. कर्णधार रोहित शर्माच्या (127) शतकी आणि चेतेश्वर पुजाराच्या (61) अर्धशतकी खेळीच्या जोरावर भारताने तिसऱ्या दिवसअखेर 3 बाद 270 धावांपर्यंत मजल मारली आहे. अंधुक प्रकाशामुळे आजच्या दिवसाचा उर्वरित 40 मिनिटांचा खेळ रद्द करण्याचा निर्णय पंचांनी घेतला आहे. तत्पूर्वी भारताने 270 धावांपर्यंत मजल मारल्यामुळे भारताला 171 धावांची आघाडी घेतली आहे.

इतर बातम्या

IND vs ENG 4th Test Day 4 Live: मोठी धावसंख्या उभी करण्यासाठी भारतीय सज्ज, विराट-जाडेजाची जोडी मैदानात

मॅचनंतर दादा ही कामं करायला सांगायचा, केबीसीच्या सेटवर सेहवाग-गांगुलीचा कलगीतुरा, बिग बी बघतच राहिले!

तो परत आला… भारताच्या गोलंदाजीवेळी Jarvo 69 मैदानात, इंग्लंडच्या फलंदाजाला दिला धक्का!

(Ravi shastri Corona postive Four members of team india support staff to remain in isolation)

Read Full Article

Click on your DTH Provider to Add TV9 MARATHI