Indian squad for Test & T 20 Series IND vs SL: सीरीजसाठी संघात मोठ बदल, कोण इन? कोण आऊट? जाणून घ्या सर्व डिटेल्स

मुंबई: भारताच्या सिनियर निवड समितीने आगामी श्रीलंकेविरुद्धच्या मालिकेसाठी (India vs Srilanka Series) कसोटी आणि टी-20 संघ (Test & T-20 Team) जाहीर केला आहे. आधी रोहित शर्माची कसोटी संघाच्या कर्णधारपदी निवड करण्याची घोषणा करण्यात आली. त्यानंतर श्रीलंकेविरुद्धच्या मालिकेसाठी संघ जाहीर करण्यात आला. पेटीएम T 20 आणि कसोटी मालिकेसाठी निवड समितीने 18 सदस्यीय संघ जाहीर केला आहे. लखनऊ आणि धर्मशाळा येथे तीन टी-20 आणि मोहाली-बंगळुरुमध्ये दोन कसोटी सामन्यांची मालिका होणार आहे. अजिंक्य रहाणे (Ajinkya Rahane) आणि चेतेश्वर पुजारा यांना कसोटी संघात स्थान मिळणार नाही, अशी मागच्या काही दिवसांपासून चर्चा होती. ती अखेर खरी ठरली आहे. अजिंक्य रहाणे आणि चेतेश्वर पुजारा दोघांना निवड समितीने श्रीलंकेविरुद्धच्या मालिकेसाठी संघातून डच्चू दिला आहे. अजिंक्यने नुकतचं सौराष्ट्रविरुद्ध रणजीमध्ये शानदार शतक ठोकलं होतं. त्याने श्रीलंका दौऱ्यासाठी आपली दावेदारी सांगितली होती. पण त्याचा काही उपयोग झाला नाही. निवड समितीने संघ निवड करताना रहाणे आणि पुजारा दोघांना बाहेरच ठेवलं.

मागच्या महिन्यात संपलेल्या दक्षिण आफ्रिका दौऱ्यात दोघांनी खूपच खराब प्रदर्शन केलं होतं. त्यांना अनेक संधी मिळाल्या पण त्यांना त्याचा फायदा उचलता आला नाही. अखेर निवड समितीने त्यांना डच्चू दिला आहे.

मागच्या महिन्यात संपलेल्या दक्षिण आफ्रिका दौऱ्यात दोघांनी खूपच खराब प्रदर्शन केलं होतं. त्यांना अनेक संधी मिळाल्या पण त्यांना त्याचा फायदा उचलता आला नाही. अखेर निवड समितीने त्यांना डच्चू दिला आहे. चेतेश्वर पुजाराचा अजूनही खराब फॉर्म कायम आहे. आज मुंबई विरुद्ध तो शुन्यावर बाद झाला.

संघातून कोण बाहेर गेलं?

चेतेश्वर पुजारा, अजिंक्य रहाणे, इशांत शर्मा, ऋद्धिमान साहा संघातून बाहेर

फिटनेसमुळे केएल राहुल आणि वॉशिंग्टन सुंदर दोघांचा श्रीलंकेविरुद्ध टी-20 आणि कसोटी मालिकेसाठी संघात समावेश करण्यात आलेला नाही.

वेगवान गोलंदाज शार्दुल ठाकूरला श्रीलंकेविरुद्धच्या सीरीजसाठी आराम देण्यात आला आहे. शार्दुल टेस्ट आणि टी-20 दोन्ही संघांमध्ये नसणार आहे.

T20I squad – Rohit Sharma (C),Ruturaj Gaikwad, Shreyas Iyer, Surya Kumar Yadav, Sanju Samson, Ishan Kishan (wk), Venkatesh Iyer, Deepak Chahar, Deepak Hooda, R Jadeja, Y Chahal, R Bishnoi,Kuldeep Yadav, Mohd. Siraj, Bhuvneshwar Kumar, Harshal Patel, Jasprit Bumrah(VC),Avesh Khan

— BCCI (@BCCI) February 19, 2022

Test squad – Rohit Sharma (C), Priyank Panchal, Mayank Agarwal, Virat Kohli, Shreyas Iyer, Hanuma Vihari, Shubhman Gill, Rishabh Pant (wk), KS Bharath, R Jadeja, Jayant Yadav, R Ashwin, Kuldeep Yadav, Sourabh Kumar, Mohd. Siraj, Umesh Yadav, Mohd. Shami, Jasprit Bumrah (VC).

— BCCI (@BCCI) February 19, 2022

संघात कोणाचा समावेश?

श्रीलंकेविरुद्धच्या टी 20 सीरीजसाठी जसप्रीत बुमराह, रवींद्र जाडेजा समावेश करण्यात आला आहे. जसप्रीत बुमराह विश्रांती घेऊन संघात परतला आहे, तर जाडेजाने त्याच्या दुखापतीवर मात केली आहे.

कुलदीप यादवने एकवर्षानंतर भारतीय संघात पुनरागमन केलं आहे. यापूर्वी जानेवारी 2021 मध्ये कुलदीप भारताच्या कसोटी संघाचा भाग होता.

संजू सॅमसन पुन्हा एकदा भारतीय संघात परतला आहे. त्याला टी 20 संघात स्थान मिळाले आहे. तो 2019 मध्ये ऑस्ट्रेलिया दौऱ्यावर गेलेल्या भारतीय संघाचा हिस्सा होता. नवीन चेहरा

सौरभ कुमारच्या रुपात भारतीय संघात नवीन चेहरा आला आहे. हा उत्तर प्रदेशचा खेळाडू आहे. तो डावखुरा फिरकी गोलंदाज आहे.