SA vs NZ, T20 Semi Final Live Score Updates : टीम सायफर्टचं 28 बॉलमध्ये अर्धशतक, न्यूझीलंड मजबूत स्थितीत

टीम सायफर्ट याने 28 बॉलमध्ये अर्धशतक पूर्ण केलं आहे. तर न्यूझीलंडने 170 धावांचा पाठलाग करताना 8 ओव्हरमध्ये बिनबाद 103 धावा केल्या आहेत. फिन एलन 45 तर टीम सायफर्ट 57 रन्सवर नॉट आऊट खेळत आहेत.

फिन एलेन आणि टीम सायफर्ट या सलामी जोडीने दक्षिण आफ्रिकेविरुद्ध सामना पूर्णपणे एकतर्फी केला आहे. या सलामी जोडीने 170 धावांचा पाठलाग करताना पावरप्लेच्या 6 ओव्हरमध्ये बिनबाद 84 धावा जोडल्या आहेत. सायफर्ट  41 आणि एलन 43 रन्सवर नॉट आऊट खेळत आहेत. त्यामुळे दक्षिण आफ्रिका या सामन्यात फार पिछाडीवर गेला आहे. तर न्यूझीलंडने सामन्यावर घट्ट पकड मिळवली आहे.

टीम सायफर्ट आणि फिन एलन या सलामी जोडीने न्यूझीलंडला जबरदस्त अशी सुरुवात करुन दिली आहे. दक्षिण आफ्रिकेने न्यूझीलंडसमोर 170 रन्सचं टार्गेट ठेवलं आहे. त्या प्रत्युत्तरात न्यूझीलंडच्या सलामी जोडीने 3 ओव्हरमध्ये बिनबाद 37 धावा जोडल्या आहेत.

न्यूझीलंडच्या बॅटिंगला सुरुवात झाली आहे. न्यूझीलंडकडून टीम सायफर्ट आणि फिन एलन ही सलामी जोडी मैदानात आली आहे. दक्षिण आफ्रिेकेने न्यूझीलंडसमोर 170 रन्सचं टार्गेट ठेवलं आहे.

दक्षिण आफ्रिकेने उपांत्य फेरीतील सामन्यात न्यूझीलंडसमोर 170 धावांचं आव्हान ठेवलं आहे. न्यूझीलंडने 20 ओव्हरमध्ये 8 विकेटस् गमावून 169 रन्स केल्या. न्यूझीलंडसाठी मार्को यान्सेन याने सर्वाधिक धावा केल्या. यान्सेनने 30 बॉलमध्ये नॉट आऊट 55 रन्स केल्या. तसेच डेवाल्ड ब्रेव्हीस याने 34 तर ट्रिस्टन स्टब्स याने 29 रन्स केल्या. तर मॅट हेनरी, रचीन रवींद्र आणि कोल मॅककोन्ची /या तिघांनी प्रत्येकी 2-2 विकेट्स मिळवल्या.

लॉकी फर्ग्यूसन याने दक्षिण आफ्रिकेला निर्णायक क्षणी मोठा झटका दिला आहे. फर्ग्यूसन याने स्फोटक फलंदाज ट्रिस्टन स्टब्स याला बोल्ड केलं आहे. ट्रिस्टनने 24 बॉलमध्ये 29 रन्स केल्या.

दक्षिण आफ्रिकेने न्यूझीलंड विरुद्ध 5 विकेट्स गमावून 14 ओव्हरमध्ये 101 रन्स केल्या आहेत. ट्रिस्टन स्टब्स-मार्को यान्सेन ही जोडी मैदानात खेळत आहे. ट्रिस्टन स्टब्स 7 आणि मार्को यान्सेन 17 रन्सवर नॉट आऊट खेळत आहेत.

जेम्स निशाम याने दक्षिण आफ्रिकेला 11 व्या ओव्हरमधील दुसऱ्या बॉलवर पाचवा झटका देत आपली पहिली वैयक्तिक विकेट मिळवली. निशामने सेट डेवाल्ड ब्रेव्हीस याला कॅप्टन मिचेल सँटनर याच्या हाती कॅच आऊट केलं. ब्रेव्हीस याने 34 धावा केल्या.

न्यूझीलंडने दक्षिण आफ्रिकेला चौथा झटका देत बॅकफुटवर ढकललं आहे. रचिन रवींद्र याने मिलरला दक्षिण आफ्रिकेच्या डावातील 10 व्या ओव्हरमधील शेवटच्या बॉलवर डॅरेल मिचेल याच्या हाती कॅच आऊट केलं. त्यामुळे दक्षिण आफ्रिकेची 10 ओव्हरमध्ये 77 वर 4 आऊट अशी स्थिती झाली आहे.

न्यूझीलंडने दक्षिण आफ्रिकेला तिसरा आणि सर्वात मोठआ झटका दिला आहे. रचीन रवींद्र याने आपल्या बॉलिंगवर सामन्यातील आठव्या ओव्हरमधील चौथ्या बॉलवर एडनला डॅरेल मिचेल याच्या हाती कॅच आऊट केलं. एडनने 20  बॉलमध्ये 18 रन्स केल्या.

न्यूझीलंडने दक्षिण आफ्रिकेला झटपट 2 झटके देत बॅकफुटवर ढकललं. मात्र त्यानंतर कॅप्टन एडन मार्करम याने डेवाल्ड ब्रेव्हीस याच्याह तिसऱ्या विकेटसाठी चिवट भागीदारी करत दक्षिण आफ्रिकेचा डाव सावरला आहे. दक्षिण आफ्रिकेने 6 ओव्हरमध्ये 2 विकेट्स गमावून 48 धावा केल्या आहेत.

कोल मॅककोंची याने दक्षिण आफ्रिकेला पहिला झटका दिला आहे. कोल मॅककोंची याने क्विंटन डी कॉक याला लॉकी फर्ग्यूसन याच्या हाती कॅच आऊट केलं. क्विंटन डी कॉक याने 10 धावा केल्या. त्यानंतर कोलने दुसऱ्याच बॉलवर रायन रिकेल्टन याला फिन एलन याच्या हाती कॅच आऊट केलं.

दक्षिण आफ्रिका विरुद्ध न्यूझीलंड यांच्यातील उपांत्य फेरीतील सामन्याला सुरुवात झाली आहे. न्यूझीलंडने टॉस जिंकून दक्षिण आफ्रिकेला बॅटिंगसाठी भाग पाडलं आहे. दक्षिण आफ्रिकेकडून क्विंटन डी कॉक आणि कॅप्टन एडन मार्करम ही सलामी जोडी मैदानात आली आहे. आता न्यूझीलंडचे गोलंदाज दक्षिण आफ्रिकेला किती धावांवर रोखण्यात यशस्वी ठरणार? हे 20 ओव्हरनंतर स्पष्ट होईल.

न्यूझीलंड प्लेइंग इलेव्हन : टीम सायफर्ट (विकेटकीपर), फिन लन, रचिन रवींद्र, ग्लेन फिलिप्स, मार्क चॅपमन, डॅरिल मिशेल, जेम्स निशम, मिशेल सँटनर (कर्णधार), कोल मॅककोंची, मॅट हेन्री आणि लॉकी फर्ग्युसन.

दक्षिण आफ्रिका प्लेइंग ईलेव्हन : एडेन मार्कराम (कॅप्टन), क्विंटन डी कॉक (विकेटकीपर), रायन रिकेल्टन, डेवाल्ड ब्रेव्हीस, डेव्हिड मिलर, ट्रिस्टन स्टब्स, मार्को जॅनसेन, कॉर्बिन बॉश, कागिसो रबाडा, केशव महाराज आणि लुंगी एनगिडी

आयसीसी टी 20I वर्ल्ड कप 2026 स्पर्धेतील उपांत्य फेरीतील सामन्यात दक्षिण आफ्रिकेविरुद्ध न्यूझीलंडच्या बाजूने नाणेफेकीचा कौल लागला आहे. न्यूझीलंडचा कर्णधार मिचेल सँटनर याने फिल्डिंगचा निर्णय घेतला आहे.

दक्षिण आफ्रिका विरुद्ध न्यूझीलंड यांच्यातील उपांत्य फेरीतील सामन्याला संध्याकाळी 7 वाजता सुरुवात होणार आहे. त्याआधी 6 वाजून 30 मिनिटांनी नाणेफेकीचा कौल लागणार आहे. आता कुणाच्या बाजूने हा कौल लागतो हे थोड्याच मिनिटांत स्पष्ट होईल.

आयसीसी टी 20i वर्ल्ड कप 2026 स्पर्धेसाठी न्यूझीलंड टीम : टिम सायफर्ट (विकेटकीपर), फिन ऍलन, रचिन रवींद्र, ग्लेन फिलिप्स, मार्क चॅपमन, डॅरिल मिशेल, मिशेल सँटनर (कर्णधार), कोल मॅककोंची, मॅट हेन्री, ईश सोधी, लॉकी फर्ग्युसन, जेकब डफी, जेम्स नीशम, काइल जेमिसन आणि डेव्हॉन कॉनवे.

आयसीसी टी 20i वर्ल्ड कप 2026 स्पर्धेसाठी दक्षिण आफ्रिका टीम : एडन मार्करम(कर्णधार), क्विंटन डी कॉक(विकेटकीपर), रायन रिकेल्टन, डेवाल्ड ब्रेविस, डेव्हिड मिलर, ट्रिस्टन स्टब्स, जॉर्ज लिंडे, कॉर्बिन बॉश, एनरिक नॉर्खिया, क्वेना मफाका, लुंगी एनगिडी, कागिसो रबाडा, मार्को जॅन्सन, केशव महाराज आणि जेसन स्मिथ.

आयसीसी टी 20i वर्ल्ड कप 2026 स्पर्धेतील उपांत्य फेरीतील पहिल्या सामन्यात दक्षिण आफ्रिका विरुद्ध न्यूझीलंड आमनेसामने आहेत. या सामन्याकडे साऱ्या क्रिकेट विश्वाचं लक्ष लागून राहिलं आहे.  हा सामना कोलकातामधील इडन गार्डन्समध्ये आयोजित करण्यात आला आहे.  आता हा सामना कोणता संघ जिंकचो आणि अंतिम फेरीचं तितकीट मिळवतं हे पाहणं औत्सुक्याचं ठरणार आहे.