वेस्टइंडिजचा फिरकीपटू सुनील नारायणबाबत निवड समितीचा मोठा खुलासा

श्रीलंका विरुद्धच्या टी 20 मालिकेसाठी वेस्टइंडिजची (west indies) घोषणा करण्यात आली. या मालिकेत उभय संघात एकूण 3 सामने खेळण्यात येणार आहेत.

श्रीलंका विरुद्धच्या टी 20 मालिकेसाठी वेस्टइंडिजची (west indies) घोषणा करण्यात आली. या मालिकेत उभय संघात एकूण 3 सामने खेळण्यात येणार आहेत.

Sanjay patil | Updated on: Feb 28, 2021 | 2:56 PM

अँटिंगा : काही दिवसांपूर्वी वेस्टइंडिजची (west indies) श्रीलंका (Sri Lanka) विरुद्धच्या टी 20 मालिकेसाठी घोषणा करण्यात आली होती. यामध्ये ख्रिस गेल (Chris Gayle) आणि फिडेल एडवर्ड्ससारख्या (Fidel Edwards) अनुभवी खेळाडूंचा पुनरागमन झालं. पण या संघात फिरकी गोलंदाज सुनील नारायणला संधी मिळाली नाही. त्यामुळे अनेकांच्या भुवया उंचावल्या. पण आता निवड समितीने सुनील नारायणची निवड न करण्यामागचं कारण सांगितलं आहे. सुनील आंतरराष्ट्रीय क्रिकेटमध्ये अजूनही कमबॅक करण्यासाठी सज्ज नाही, अशी माहिती निवड समितीचे रोजर हार्पर यांनी दिली. सुनीलनेच आपण क्रिकेट खेळण्यास असमर्थ असल्याचं निवड समितीला कळवलं होतं. (west indies selection committee sunil narine revels reason why not playing in international cricket)

सुनील गेल्या 2 वर्षांपासून आंतरराष्ट्रीय क्रिकेटपासून दूर आहे. त्याने आपला अखेरचा सामना ऑगस्ट 2019 मध्ये खेळला होता. त्याने सुपर कप 50 स्पर्धेत त्रिनिदाद एंड टोबागोसाठी 4 सामन्यात प्रतिनिधित्व केलं. दरम्यान त्याला दुखापत झाल्याने शनिवारी झालेल्या अंतिम सामन्याला मुकावे लागले होते.

आयपीएलमध्ये बंदी

सुनील आयपीएलमध्ये गेल्या मोसमात कोलकाता नाईट रायडर्सकडून खेळला होता. या मोसमात त्याच्यावर संश्यास्पद बोलिंग एक्शनमुळे त्याच्यावर बंदी टाकण्यात आली होती. पण ही बंदी काही सामन्यांनंतर उठवण्यात आली होती.

9 वर्षांनंतर फिडेलचे कमबॅक

तब्बल 9 वर्षानंतर वेगवान गोलंदाज फिडेल एडवर्ड्सचे विंडिज संघात पुनरागमन होत आहे. फिडेलने अखेरचा सामना 2012 मध्ये खेळला होता. वेगवान गोलंदाजीला आणखी धार मिळवून देण्यासाठी फिडेलला संधी देण्यात आली. मला संघात परतायचंय, अशी इच्छा फिडेलने कर्णधार कायरन पोलर्ड आणि मुख्य प्रशिक्षक फिल सिमन्स यांच्याकडे बोलून दाखवली होती. फिडेलने विंडिजसाठी एकूण 125 सामन्यात प्रतिनिधित्व केलं आहे.

श्रीलंका विरुद्धच्या टी 20 मालिकेसाठी विंडिज टीम

कायरन पोलार्ड, निकोलस पूरन, फॅबियन एलेन, ख्रिस गेल, ड्वेन ब्राव्हो, फिडेल एडवर्ड्स , आंद्रे फ्लेचर, जेसन होल्डर, अकील होसेन, केविन सिनक्लेयर, एविन लुईस, ओवेबड मॅकोए, लेंडल सिमन्स आणि रोवमॅन पॉवेल.