Aaryavir Sehwag Video: दुखापत असह्य, उभा राहायलाही होत नव्हतं, पण तेव्हा एकच गोष्ट आठवली अन् पाकिस्तानची बोलती बंद केली

Aaryavir Sehwag Video: आर्यवीर सेहवागला पाकिस्तानविरुद्धच्या सामन्यात दुखापत झाली होती. तरीही तो खेळला त्याने असं का केले यामागचे कारण त्याने स्पष्ट केले आहे.

Aaryavir Sehwag Video: दुखापत असह्य, उभा राहायलाही होत नव्हतं, पण तेव्हा एकच गोष्ट आठवली अन् पाकिस्तानची बोलती बंद केली
| Updated on: Nov 17, 2026 | 7:44 AM

IND vs PAK Match:  १९ वर्षांखालील आशिया चषकाच्या अंतिम सामन्यात भारत आणि पाकिस्तान यांच्यात एक चुरशीची लढत पाहायला मिळाली. प्रथम फलंदाजी करताना पाकिस्तानने ३३७ धावांचा डोंगर उभा केला, ज्यात उस्मान खानने शानदार शतक (१०७) आणि अब्दुल कादिरने स्फोटक खेळी (८०) केली.

लक्ष्याचा पाठलाग करताना भारताने चांगली सुरुवात केली, ज्यात कर्णधार लक्ष्य रायचंदानी (८०) आणि आर्यवीर सेहवाग यांनी ९५ धावांची भागीदारी केली. फलंदाजी करताना सेहवागच्या हाताला गंभीर दुखापत झाली आणि तो हात चांगलाच सुजला. आपल्या देशासाठी खेळण्याचा दृढनिश्चय दाखवत, त्याने संयम राखला आणि वेदना सहन करत अर्धशतक झळकावले. एक वेळी भारताच्या २५२ धावांवर ८ गडी बाद झाले होते आणि सामना एका निर्णायक वळणावर होता. आपले लक्ष टिकवून ठेवण्यासाठी सेहवागने ३२ व्या षटकापासून ‘सीताराम’चा जप सुरू ठेवला. खालच्या फळीत मनाल चौहानने (४७) उत्कृष्ट कामगिरी केली.

Loading...

अखेरीस, मोहित उल्वा (४९ नाबाद) आणि चिगुरुपती व्यंकट (११ नाबाद) यांनी संयम आणि आक्रमकता दाखवत शेवटच्या चेंडूवर चौकार मारून भारताला एक ऐतिहासिक आणि रोमांचक विजय मिळवून दिला. अशाप्रकारे, भारताने पाकिस्तानच्या जबड्यातून विजय हिसकावून घेतला आणि आशिया कप ट्रॉफीवर आपले नाव कोरले.

सामन्यानंतर बीसीसीआयने शेअर केलेल्या एका व्हिडिओमध्ये, आर्यवीर सेहवाग आणि कर्णधार लक्ष्य रायचंदानी यांनी आपल्या मनातील भावना व्यक्त केल्या. आर्यवीरने सांगितले की, “हाय-व्होल्टेज फायनल सामन्यादरम्यान मला दुखापत झाली होती आणि मी खूप वेदनेत होतो. असे असूनही, मी मैदान न सोडण्याचा निर्णय घेतला.”

आर्यवीर भावूक होऊन म्हणाला, “सामन्यादरम्यान मी दुखापतीमुळे त्रस्त होतो आणि मला खूप वेदना होत होत्या, पण मला ही संधी कोणत्याही परिस्थितीत गमवायची नव्हती. मला माहित होते की आयुष्यात अशा संधी वारंवार येत नाहीत. आम्ही अंडर-१९ गटात पाकिस्तानविरुद्ध पुन्हा कधीही अंतिम सामना खेळणार नाही, त्यामुळे मला हा क्षण पुरेपूर जगायचा होता आणि संघाच्या पाठीशी उभे राहायचे होते. स्पर्धेतील त्याच्या उत्कृष्ट कामगिरीबद्दल त्याला मालिकावीर म्हणून गौरविण्यात आले.”

Loading...
Unable to load recommendations.
Follow Us