India vs Australia 2020 | टीम इंडियाचा सलग पाचवा टी 20 मालिका विजय
टीम इंडियाने विराट कोहलीच्या नेतृत्वात ही कामगिरी केली आहे.
सिडनी : टीम इंडियाने दुसऱ्या टी 20 सामन्यात (India vs Australia 2020 2nd T20) ऑस्ट्रेलियावर 6 विकेट्सने शानदार विजय मिळवला. या विजयासह टीम इंडियाने टी 20 मालिका जिंकली. भारताने 3 सामन्यांच्या मालिकेत 2-0 अशा फरकाने मालिकाही जिंकली. टीम इंडियाचा टी 20 मधील सलग दहावा विजय ठरला. दरम्यान यासह टीम इंडियाने आणखी एक विक्रमी कामगिरी केली आहे. ऑस्ट्रेलियाविरोधातील हा मालिका विजय टीम इंडियाचा सलग 5 वा टी 20 मालिका विजय ठरला आहे. india vs australia 2020 Team India’s fifth consecutive T20 series win
टीम इंडियाने या पाचही टी 20 मालिका कर्णधार विराटच्या नेतृत्वात जिंकल्या आहेत. टीम इंडियाने या मालिका कोणत्या संघासोबत खेळल्या तसेच किती फरकाने जिंकल्या ही आकडेवारी आपण पाहणार आहोत.
बांगलादेशवर 2-1 ने विजय
बांगलादेश (Bangladesh Cricket Team) विरुद्ध टीम इंडिया यांच्यात नोव्हेंबर 2019 मध्ये 3 सामन्याची मालिका खेळण्यात आली. या मालिकेतील सामने अनुक्रमे 3, 7 आणि 10 नोव्हेंबरला खेळण्यात आले. बांगलादेशने या मालिकेची विजयी सुरुवात केली. बांगलादेशने पहिल्या सामन्यात टीम इंडियाचा 7 विकेट्सने विजय मिळवला. मात्र त्यानंतर टीम इंडियाने उर्वरित 2 ही सामने जिंकले आणि मालिका खिशात घातली.
वेस्टइंडिजवर 2-1 ने विजय
बांगलादेशविरोधात टी 20 मालिकेनंतर लगेचच टीम इंडियाने वेस्ट इंडिजविरोधात (West Indies Cricket Team) 3 सामन्यांची टी 20 मालिका खेळली. यामध्ये टीम इंडियाने 2-1 च्या फरकाने सीरिज जिंकली. या मालिकेतील पहिला सामना टीम इंडियाने जिंकला. तर विंडिजने दुसरा सामना जिंकत पुनरागमन केलं. यामुळे मालिकेत दोन्ही संघांनी बरोबरी साधली. मात्र टीम इंडियाने तिसऱ्या सामन्यात विंडिजला पराभवाची धूळ चारत मालिकेवर नाव कोरलं.
श्रीलंकेवर 2-1 ने मात
टीम इंडियाची 2020 या नववर्षाची सुरुवात टी 20 मालिकेने झाली. टीम इंडियाने श्रीलंकेविरोधात (Sri Lanka Cricket) 3 सामन्यांची मालिका खेळली. या मालिकेतील पहिला सामना रद्द झाला. यामुळे मालिका विजयासाठी दोन्ही संघाना उर्वरित 2 सामने जिंकणं बंधनकारक होत. मात्र टीम इंडियाने दोन्ही सामने जिंकत मालिका जिंकली. यासह टीम इंडियाने टी 20 मालिका विजयाची हॅटट्रिक साजरी केली.
न्यूझीलंडचा 5-0 सुपडा साफ
जानेवारी-फेब्रुवारी 2020 दरम्यान टीम इंडिया न्यूझीलंड (India Tour New Zealand 2020) दौऱ्यावर होती. या दौऱ्यात टीम इंडिया विरुद्ध न्यूझीलंड यांच्यात 5 सामन्यांची टी 20 मालिका खेळण्यात आली. टीम इंडियाने न्यूझीलंडचा त्यांच्याच घरात 5-0 अशा एकतर्फी फरकाने पराभव केला.
ऑस्ट्रेलियावर 2-0 ने आघाडी
दरम्यान सध्या टीम इंडिया ऑस्ट्रेलियाविरुद्ध टी 20 मालिका (India Tour Australia 2020-21) खेळत आहे. या 3 सामन्यांच्या मालिकेतील पहिले 2 सामने टीम इंडियाने जिंकलेत. यासह मालिकाही जिंकली आहे. दरम्यान या मालिकेतील तिसरा आणि शेवटचा सामना मंगळवारी 8 नोव्हेंबरला सिडनी येथे खेळण्यात येणार आहे.
संबंधित बातम्या :
india vs australia 2020 Team India’s fifth consecutive T20 series win
