Virat Kohli | शानदार विजयासह कर्णधार कोहलीचा ‘विराट’ विक्रम, ‘कॅप्टन कुल’ धोनीचा रेकॉर्ड ब्रेक

अहमदाबाद | टीम इंडियाने अहमदाबादमध्ये पार पडलेल्या तिसऱ्या कसोटी सामन्यात (india vs england 3rd test) पाहुण्या इंग्लंडवर 10 विकेट्सने शानदार विजय मिळवला. इंग्लंडने टीम इंडियाला विजयासाठी 49 धावांचे माफक आव्हान दिले होते. हे विजयी आव्हान टीम इंडियाच्या शुबमन गिल (Shubaman Gill) आण रोहित शर्मा (Rohit Sharma) या सलामी जोडीने पूर्ण केलं. रोहित आणि शुबमन या सलामी जोडीने अनुक्रमे नाबाद 25 आणि 15 धावा केल्या. टीम इंडियाने कॅप्टन विराट कोहलीच्या (Virat Kohli) नेतृत्वात ही कामगिरी केली. या विजयासह भारताने 4 सामन्यांच्या मालिकेत 2-1 ने आघाडी घेतली. दरम्यान या विजयासह कॅप्टन विराटने किर्तीमान केला आहे. विराटने रेकॉर्डब्रेक कामगिरी केली आहे. (india vs england 3rd test virat kohli break ms dhoni record of most wins as indian captain in tests in india)

काय आहे रेकॉर्ड?

इंग्लंड विरुद्धचा हा विजय विराटच्या नेतृत्वातील 22 वा कसोटी विजय ठरला. म्हणजेच विराटने टीम इंडियाला भारतात 22 कसोटींमध्ये विजय मिळवून दिला आहे. या विजयासह विराटने टीम इंडियाचा माजी कर्णधार महेंद्रसिंह धोनीचा रेकॉर्ड ब्रेक केला आहे. धोनीने भारतात आपल्या कॅप्टन्सीमध्ये टीम इंडियाला एकूण 21 कसोटींमध्ये विजय मिळवून दिला होता.

धोनीने भारतात 30 कसोटी सामन्यांमध्ये भारतीय संघाचं नेतृत्व केलं होतं. त्यापैकी 21 सामन्यांमध्ये भारतीय संघाचा विजय झाला होता. तर विराटने त्याच्या नेतृत्वात भारतीय संघाला भारतात 29 कसोटींमधून 22 सामन्यात विजय मिळवून दिला आहे.

टीम इंडियाला भारतात सर्वाधिक सामने जिंकवणारे कर्णधार

विराट कोहली- 22 कसोटी

महेंद्रसिंह धोनी – 21 कसोटी

मोहम्मद अझरुद्दीन – 13

चौथी कसोटी 4 मार्चपासून

दरम्यान या मालिकेतील चौथा आणि अखेरचा कसोटी सामना 4 ते 8 मार्चदरम्यान खेळवण्यात येणार आहे. हा सामना याच नरेंद्र मोदी स्टेडियममध्ये खेळवण्यात येणार आहे. या सामन्याला सकाळी 9 वाजून 30 मिनिटांनी सुरुवात होणार आहे. हा सामना जिंकून टीम इंडियाचा इंग्लंडचा एकतर्फी मालिका पराभव करण्याचा मानस असेल. तसेच वर्ल्ड टेस्ट चॅम्पियनशीपच्या अंतिम सामन्यात खेळण्याची दावेदारी आणखी प्रबळ करण्याचा मानस भारतीय संघाचा असेल.

संबंधित बातम्या :

IND vs ENG 3rd Test : अश्विनची रेकॉर्डब्रेक कामगिरी, कसोटीत 400 तर 600 आंतरराष्ट्रीय विकेट्सचा टप्पा पार

India vs England 3rd Test | फिरकीपटू अश्विनचा किर्तीमान, कसोटीमध्ये 400 विकेट्स पूर्ण, ठरला चौथा भारतीय

(india vs england 3rd test virat kohli break ms dhoni record of most wins as indian captain in tests in india)