IND vs WI: ‘रोको’च्या कमबॅकची वाट बघतायेत? वेस्टइंडिजविरुद्ध मॅच खेळणार नाही, असं का? तिरुवनंतपुरममधून मोठी अपडेट

भारत आणि वेस्ट इंडिज यांच्यातील तीन एकदिवसीय सामन्यांची मालिका रविवार, २७ सप्टेंबर रोजी सुरू होत आहे. पहिला एकदिवसीय सामना आज, रविवारी, तिरुवनंतपुरम येथील ग्रीनफील्ड स्टेडियमवर खेळला जाईल. गेल्या दिवसापासून देशाच्या अनेक भागांमध्ये सतत पाऊस पडत आहे. आज तिरुवनंतपुरममध्ये हवामान कसे असेल, लाडक्या ‘रोको’ ला खेळताना पाहायला मिळणार की नाही यासंदर्भाच चाहत्यांच्या मनात अनेक प्रश्न आहेत.

शुभमन गिल भारतीय संघाचा कर्णधार आहे, तर शाई होप वेस्ट इंडिज संघाचे नेतृत्व करत आहे. विराट कोहली आणि रोहित शर्मा यांचाही या मालिकेत समावेश आहे. नमन धीर आणि आकिब नबी दार यांसारख्या युवा खेळाडूंनाही या मालिकेत संधी देण्यात आली आहे. भारत आणि वेस्ट इंडिज यांच्यात आतापर्यंत एकूण १४२ एकदिवसीय सामने खेळले गेले आहेत. टीम इंडियाने यापैकी ७२ सामने जिंकले आहेत, तर कॅरिबियन संघाने भारताला ६४ सामन्यांमध्ये पराभूत केले आहे. या दोन संघांमधील दोन एकदिवसीय सामने बरोबरीत सुटले आहेत. चार सामने अनिर्णित राहिले आहेत.

पहिला एकदिवसीय सामना पावसामुळे रद्द होईल का?

भारत आणि वेस्ट इंडिज यांच्यातील पहिल्या एकदिवसीय सामन्यात पावसाची शक्यता कमी आहे. AccuWeather नुसार, रविवारी तिरुवनंतपुरममध्ये पावसाची शक्यता खूपच कमी आहे. सामन्यादरम्यान पावसाची शक्यता केवळ १५ टक्के आहे. अहवालानुसार, सामन्यादरम्यान आकाश ढगाळ राहण्याची शक्यता आहे, परंतु पावसामुळे सामन्यात व्यत्यय येणार नाही. त्यामुळे, चाहत्यांनी अजिबात काळजी करण्याची गरज नाही. भारत आणि वेस्ट इंडिज यांच्यातील पहिला एकदिवसीय सामना दुपारी २:०० वाजल्यापासून थेट पाहू शकता. तिरुवनंतपुरम येथील ग्रीनफील्ड स्टेडियमवर नाणेफेक होईल.

भारत आणि वेस्ट इंडिज यांच्यात तीन सामन्यांची वनडे मालिका रंगणार आहे. या वनडे मालिकेतून चाहत्यांना आपल्या लाडक्या रोहित शर्मा आणि विराट कोहलीला मैदान गाजवताना पाहण्याचा आनंद मिळणार आहे. आता लाडके रोहित शर्मा आणि विराट कोहली चाहत्यांचे मनोरंजन करतात की नाही हे पाहणं महत्त्वाचे ठरणार आहे.