Vaibhav Sooryavanshi: वैभव सूर्यवंशीचा विषयच हार्ड आहे, क्रेझ इतकी की चाहत्यांनी चक्क रात्री…

IND vs WI T20: भारत विरुद्ध वेस्ट इंडिज वनडे सामन्यांची मालिका रंगली. या मालिकेत तीन सामने होते त्यातील दोन सामने भारतीय संघाने जिंकले. भारतीय संघाने वनडे मालिका जिंकल्यानंतर आता टी-२० मालिकाही खेळणार आहे. या मालिकेची क्रेझ इतकी आहे की लोक तिकिट खरेदीसाठी स्टेडियमच्या बाहेर रात्रभर झोपले होते.

भारत आणि वेस्ट इंडिज यांच्यातील क्रिकेट सामन्यासाठी प्रेक्षकांमधील उत्साह आधीच दिसून येत आहे. पण हा उत्साह केवळ एका सामन्यासाठी आहे संपूर्ण मालिकेसाठी नाही. ९ ऑक्टोबर रोजी रंगणाऱ्या सामन्यासाठी लोकांनी मोठ्या प्रमाणात तिकिट खरेदी केली आहे. ९ ऑक्टोबर रोजीचा सामना हा रांची, झारखंडमध्ये रंगणार आहे. सामन्यात वैभव खेळण्याची शक्यता असल्यामुळे चाहते मोठ्या प्रमाणात तिकिट खरेदी करत आहेत. वैभवची क्रेझ संपूर्ण जगभरातच आहे पण रांची आणि बिहारमध्ये जरा जास्त आहे कारण तो तितला लॉकल बॉय आहे. आपल्या ल़ॉकल बॉयला प्रोत्सीहन देण्यासाठी चाहते मोठ्या प्रमाणात गर्दी करणार असल्याची शक्यता नाकारता येत नाही.

रविवारी संध्याकाळी सुमारे ७ वाजता धुरवा येथील जेएससीए स्टेडियमबाहेर उभारलेल्या बॅरिकेड्सवर तिकीट खरेदी करण्यासाठी सुमारे ७०० प्रेक्षक जमले होते. रात्रभर थांबून सकाळी तिकीट काउंटर उघडताच तिकीट मिळवण्याच्या आशेने ते तिथे थांबले होते. प्रेक्षक सुमारे दीड तास बॅरिकेड्सवर उभे होते. हे कळताच, धुरवा पोलीस स्टेशनचे पोलीस आणि डीएसपी घटनास्थळी दाखल झाले आणि त्यांनी सर्वांना बॅरिकेड्सवरून हटवले. त्यांच्यापैकी बऱ्याच जणी महिला होत्या, ज्यापैकी अनेकींनी रात्रभर थांबून सकाळी तिकीट मिळवण्यासाठी चटया आणि चादरी आणल्या होत्या.

बॅरिकेड्सवरून हटवल्यानंतरही अनेक प्रेक्षक स्टेडियमजवळच थांबले होते. काही जण झाडांखाली, काही दुकानांजवळ रेंगाळत होते, तर काही जण सकाळची वाट पाहत आपापल्या गाड्यांमध्ये थांबले होते. तिकिटे खरेदी करण्यासाठी आलेल्या प्रेक्षकांमध्ये झारखंड तसेच बिहारच्या विविध जिल्ह्यांतील क्रिकेट चाहत्यांचा समावेश होता.

प्रेक्षकांनी सामन्याबद्दल आपला उत्साह व्यक्त केला. म्हणूनच तिकिटे मिळवण्यासाठी ते एक दिवस आधीच रांचीला पोहोचले होते. त्यांना आशा होती की रात्रभर रांगेत उभे राहिल्यामुळे सकाळी तिकीट काउंटर उघडताच तिकिटे मिळणे सोपे होईल.