IND vs WI 4th T20 मॅच संपताच टीम इंडियातील खेळाडू तातडीने दिल्ली गाठणार, मोदी यांची भेट घ्यावी लागणार, अचानक असं का?
IND vs WI 4th T20: भारत आणि वेस्ट इंडिज यांच्यात चौथा टी-२० सामना आ्ज रंगणाऱ आहे, या सामन्यानंतर खेळाडूंना थेट दिल्ली गाठावी लागणार आहे.
Team India Meet PM Modi: भारत आणि वेस्ट इंडिज यांच्यात टी-२० मालिका सुरु आहे. या मालिकेतील चौथा टी-२० सामना आज रंगणार आहे. हा सामना हैदराबादमध्ये रंगणार आहे. भारतीय संघ या मालिकेत २-१ ने पुढे आहे. आता आजचा सामना हैदराबादमध्ये रंगणार असून या सामन्यानंतर भारतीय संघाला थेट दिल्लीला जावं लागणार आहे.
पंतप्रधान नरेंद्र मोदी १५ ऑक्टोबर रोजी त्यांच्या निवासस्थानी भारताच्या आशियाई क्रीडा संघातील खेळाडू, क्रिकेटपटू आणि इतर पदक विजेत्यांची भेट घेतील. हा कार्यक्रम सायंकाळी ४:३० वाजता सुरू होणार असून, त्यात विविध खेळांमधील पदक विजेत्यांचा समावेश असेल. आशियाई क्रीडा स्पर्धा १९ सप्टेंबर ते ४ ऑक्टोबर दरम्यान जपानमधील आयची-नागोया येथे आयोजित करण्यात आल्या होत्या.
भारताने २१ सुवर्ण पदकांसह ८५ पदके जिंकली
२०२६ च्या आशियाई क्रीडा स्पर्धेत भारताची कामगिरी अपेक्षेपेक्षा कमी होती. संथ सुरुवातीनंतर खेळाडूंनी शेवटच्या दिवसांमध्ये जोरदार कामगिरी केली, ज्यामुळे भारताला पदक तालिकेत चौथे स्थान मिळविण्यात मदत झाली. भारताने २१ सुवर्ण पदकांसह एकूण ८५ पदके जिंकली. हांगझू येथे झालेल्या मागील आशियाई क्रीडा स्पर्धेत भारताने २८ सुवर्ण पदकांसह १०६ पदके जिंकली होती, जी आजपर्यंतची त्यांची सर्वोत्तम कामगिरी होती.
भारतीय पुरुष आणि महिला क्रिकेट संघाने आशियाई क्रीडा स्पर्धेत सुवर्णपदके जिंकली. श्रेयस अय्यरच्या नेतृत्वाखालील संघाने अंतिम सामन्यात पाकिस्तानला पराभूत केले. संघ सध्या वेस्ट इंडिजविरुद्ध टी-२० मालिका खेळत आहे. मालिकेतील चौथा सामना आज हैदराबाद येथील राजीव गांधी आंतरराष्ट्रीय क्रिकेट स्टेडियमवर आहे. शेवटचा सामना १७ ऑक्टोबर रोजी बंगळूरु येथे होणार आहे, परंतु खेळाडू हैदराबादहून दिल्लीला प्रवास करतील. भारतीय महिला संघाची १६ ऑक्टोबरपासून रायपूरमध्ये झिम्बाब्वेविरुद्ध मालिका आहे.
२०२६ च्या आशियाई क्रीडा स्पर्धेत भारताने तिरंदाजीमध्ये सर्वाधिक ५ सुवर्णपदके जिंकली. दक्षिण कोरियाचे वर्चस्व असलेल्या या खेळात कुमकुम मोहोडने दोन सुवर्णपदकांसह तीन पदके जिंकली. ॲथलेटिक्स स्पर्धांमध्ये भारताला सर्वाधिक २४ पदके मिळाली, परंतु त्यापैकी फक्त एक सुवर्णपदक होते. कुमकुम व्यतिरिक्त, चिकिता तनिपार्थी आणि साहिल जाधव यांनी नेमबाज नीरू धांडा यांच्यासह तिरंदाजीमध्ये प्रत्येकी दोन सुवर्णपदके जिंकली.
