Mithali Raj : मिताली राजने रचला इतिहास, अशी कामगिरी करणारी जागतिक महिला क्रिकेटमधील एकमेव खेळाडू…!
मिताली राज हिने (Mithali Raj) एकदिवसीय क्रिकेटमध्ये 7 हजार धावांचा पल्ला गाठला आहे. मिताली महिला क्रिकेटर्समध्ये 7 हजार धावा करणारी पहिलीच क्रिकेटर आहे. Mithali Raj 7000 Runs ODI Cricket
मुंबई : भारतीय महिला संघाचा (Indian Women Cricket team) कणा असलेली मिताली राज हिने (Mithali Raj) एकदिवसीय क्रिकेटमध्ये 7 हजार धावांचा पल्ला गाठला आहे. मिताली महिला क्रिकेटर्समध्ये 7 हजार धावा करणारी पहिलीच क्रिकेटर आहे. 1999 मध्ये क्रिकेटमध्ये पदार्पण करणाऱ्या मितालीने नुकताच आंतरराष्ट्रीय क्रिकेटमध्ये 10 हजार धावांचा पल्ला ओलांडला होता. या विक्रमानंतर आता मितालीने पुन्हा एकदा दुसऱ्या विक्रमाला गवसणी घातलीय.(indian Women Cricketer mithali Raj 7000 Runs One Day Cricket)
एकदिवसीय क्रिकेटमध्ये 7 हजार धावांचा टप्पा
भारत विरुद्ध साऊथ आफ्रिका यांच्यातील चौथ्या सामन्यात मितालीने आपल्या वनडे कारकीर्दीतील 7 हजार धावांचा टप्पा गाठला आहे. या मॅचमध्ये 45 धावांची सुंदर खेळी करत तिने हा विक्रम आपल्या नावे केलाय. वनडे सर्वाधिक रन्स करणाऱ्या महिला फलंदाजामध्ये दुसऱ्या क्रमांकावर इंग्लंडच्या शार्लेट एडवर्ड्स आहे.
इंग्लंडच्या शार्लेट एडवर्ड्सच्या नावावर 5992 रन्स आहेत. महिला क्रिकेटमध्ये मितालीने सर्वप्रथम 6000 आणि 7000 हजार धावांचा टप्पा पार केला आहे. ज्यावेळी तिने 6000 धावा केल्या होत्या तेव्हा तर जागतिक महिला क्रिकेटमध्ये ती अशी एकमेव खेळाडू होती की जिच्या नावावर 6 हजार धावांची नोंद होती.
मिताली राज- भारतीय महिला टीमच्या पाठीचा कणा
भारतीय महिला क्रिकेटमध्ये मिताली राज नावाचं वादळ गेल्या दोन दशकांपासून घोंघावत आहे. 1999 मध्ये तिने क्रिकेट विश्वात पदार्पण केलं तेव्हापासून तिने आजतागायत पाठीमागे वळून पाहिलं नाही. ओपनिंग येऊन तिने खोऱ्याने रन्स केले, कर्णधार म्हणून भारताचा तिरंगा जगात फडकवला तर मधल्या फळीत फलंदाजी करताना प्रतिस्पर्धी संघाला कित्येक वेळा हाराकिरी पत्करायला लावली.
मितालीची आंतरराष्ट्रीय कारकीर्द
आंतरराष्ट्रीय क्रिकेटमध्ये 10 हजार धावा पूर्ण करणारी मिताली राज दुसरी महिला फलंदाज आहे. मितालीने 311 वी मॅच खेळताना ही कमाल केली आहे. तिने आतापर्यंतच्या आपल्या क्रिकेट कारकीर्दीत 75 अर्धशतक ठोकलीत तसंच तिच्या नावावर 8 शतके देखील आहेत.
मितालीअगोदर इंग्लंडच्या चार्लोट एडवर्ड्स हिने 10 हजार धावांचा टप्पा ओलांडण्याचा विक्रम केलाय. तिने 309 मॅचमध्ये 10 हजार 273 रन्स केले. यामध्ये 67 अर्धशतकांसह 13 शतकांचा समावेश आहे.
मितालीच्या आंतरराष्ट्रीय क्रिकेटमध्ये 10 हजार धावा
मितालीने नुकताच आंतरराष्ट्रीय क्रिकेमधील 10 हजार धावांचा टप्पा पार केला आहे. अशी कामगिरी करणारी ती मिताली दुसरी महिला बॅट्समन ठरली आहे. साऊथ आफ्रिकेविरोधातल्या तिसऱ्या मॅचमध्ये तिने ही अजोड कामगिरी केलीय. प्रत्येक भारतीय तिच्या या यशावर गर्व करतोय.
हे ही वाचा :
आंतरराष्ट्रीय क्रिकेटमध्ये 10000 रन्स, मिताली राजच्या नावावर खास विक्रम
