IPL 2020, SRH vs RCB, Eliminator : डेव्हिड वॉर्नरचा आनंद गगनात मावेना, बंगळुरुवरील विजयाचं रहस्य उलगडलं
सनरायजर्स हैदराबादचा हा सलग चौथा विजय ठरला.
अबुधाबी : आयपीएलच्या 13 व्या (IPL 2020) मोसमातील एलिमिनेटर (Eliminator 2020) सामन्यात सनराजयर्स हैदराबादने (Sunrisers Hyderabad) रॉयल चॅलेंजर्स बंगळुरुवर (Royal Challengers Bangalore) 6 विकेट्सने विजय मिळवला. या विजयासह हैदराबादने क्वालिफायर 2 सामन्यात धडक मारली. तर बंगळुरुचे आव्हान संपुष्टात आलं आहे. हैदराबादचा हा सलग चौथा विजय ठरला. हैदराबादच्या या विजयावर कर्णधार डेव्हिड वॉर्नरने (David Warner) आनंद व्यक्त केला आहे. तसेच हैदराबादच्या विजयाचं रहस्यही उलगडलं आहे. ipl 2020 srh vs rcb eliminator hyderabad beats bangalore by 6 wickets captain david warner happy after victory reveals secret of hyderabad
वॉर्नर काय म्हणाला?
“विजयी आव्हानाचं पाठलाग करायला आलेल्या हैदराबादची 64-4 अशी स्थिती झाली. त्यामुळे हैदराबादचा संघ अडचणीत सापडला. मात्र केन विल्यम्सनने (Kane Williamson) हैदराबादचा डाव सावरला. विल्यम्सन आमचा स्टार खेळाडू आहे. केनने दबावात्मक परिस्थितीत उभा राहत नाबाद विजयी अर्धशतकी खेळी केली”, अशा शब्दात केनच्या या खेळीचं वॉर्नरने कौतुक केलं.
बंगळुरने प्रथम बॅटिंग करत 20 ओव्हरमध्ये 131 धावा केल्या. यामुळे हैदराबादला विजयासाठी 132 धावांचे आव्हान मिळाले. मात्र विजयी आव्हानाचे पाठलाग करायला आलेल्या हैदराबादने ठराविक अंतराने 4 विकेट्स गमावल्या. एलिमिनेटरच्या या सामन्यात कर्णधार डेव्हिड वॉर्नरही अपयशी ठरला. मात्र यानंतर केन विल्यम्सन आणि जेसन होल्डर या दोघांनी हैदराबादचा डाव सावरला. या दोघांनी पाचव्या विकेटसाठी 65 धावांची नाबाद विजयी भागीदारी केली. यासह या जोडीने हैदराबादला विजय मिळवून दिला. केनने 44 चेंडूत 2 सिक्स आणि 2 फोरसह नाबाद 50 धावा केल्या. तर जेसन होल्डरने नाबाद 24 धावांची खेळी करत केनला चांगली साथ दिली.
विजयी खेळीनंतर केनची प्रतिक्रिया
“अशा महत्वाच्या सामन्यात चौथ्या क्रमांकावर फलंदाजी करणं आव्हानात्मक होतं. होल्डरनेही काही चांगले उत्तुंग फटके लगावले. मला होल्डरने चांगली साथ दिली. होल्डर शांत स्वभावाचा आहे. जेसन हा संघासाठी निर्णायक भूमिका बजावणारा खेळाडू आहे. त्याने बंगळुरुविरुद्ध अशीच भूमिका बजावली”, असं केन सामन्यानंतर म्हणाला.
क्वालिफायर – 2
हैदराबादने बंगळुरुवर विजय मिळवत क्वालिफायर 2 मध्ये धडक मारली. हैदराबादची या क्वालिफायर 2 मध्ये दिल्ली कॅपिटल्सविरुद्ध (Delhi Capitals) गाठ पडणार आहे. हा सामना 8 नोव्हेंबरला खेळण्यात येणार आहे. या सामन्यातील विजयी संघ अंतिम सामन्यात मुंबई इंडियन्सविरुदध (Mumbai Indians) भिडणार आहे. अंतिम सामना 10 नोव्हेंबरला खेळवला जाणार आहे.
संबंधित बातम्या :
IPL 2020 SRH vs RCB Eliminator: विराट कोहलीने ‘या’ खेळाडूवर फोडले RCBच्या पराभवाचे खापर
ipl 2020 srh vs rcb eliminator hyderabad beats bangalore by 6 wickets captain david warner happy after victory reveals secret of hyderabad