IPL 2020, SRH vs RCB, Eliminator : टॉस जिंकताच हैदराबादचा कर्णधार डेव्हिड वॉर्नरच्या नावे अनोखा विक्रम, धोनी-रोहितच्या पंगतीत स्थान
या सामन्यातील विजेता संघांचा सामना क्वालिफायर-2 मध्ये दिल्लीविरुद्ध होणार.
अबुधाबी : आयपीएलच्या 13 व्या (IPL 2020) मोसमातील एलिमिनेटर सामना (Eliminator 2020) सनरायजर्स हैदराबाद (Sunrisers Hyderabad) विरुद्ध रॉयल चॅलेंजर्स बंगळुरु (Royal Challengers Bangalore) यांच्यात खेळला जात आहे. हैदराबादने टॉस जिंकून बंगळुरुला बॅटिंगसाठी भाग पाडले. हैदराबादचा कर्णधार डेव्हिड वॉर्नरच्या (David Warner) नावे टॉस जिंकताच अनोख्या विक्रमाची नोंद झाली आहे. असा अनोखा विक्रम आपल्या नावावर करणारा वॉर्नर तिसरा कर्णधार ठरला आहे. ipl 2020 eliminator srh vs rcb after winning the toss hyderabad skipper david warner record joins dhoni and rohit club
काय आहे विक्रम?
डेव्हिड वॉर्नर आयपीएलच्या 13 व्या मोसमात 11 वेळा टॉस जिंकणारा कर्णधार ठरला आहे. यासह वॉर्नरचा रोहित शर्मा (Rohit Sharma) आणि महेंद्रसिंह धोनीच्या (Mahendra Singh Dhoni) मानाच्या यादीत समावेश झाला आहे. याआधी आयपीएलच्या इतिहासात मुंबई इंडियन्सचा कर्णधार रोहित शर्मा आणि चेन्नई सुपर किंग्जसचा कॅप्टन महेंद्रसिंह धोनीने प्रत्येकी 11 वेळा टॉस जिंकण्याची कामगिरी केली आहे. रोहित शर्माने 2017 मध्ये 11 किंवा त्यापेक्षा अधिक वेळा टॉस जिंकला आहे. तर महेंद्रसिंह धोनीने 2018 मध्ये सर्वाधिक वेळा टॉस जिंकण्याचा मान पटकावला होता.
दोघांसाठी ‘करो या मरो’
हैदराबाद आणि बंगळुरु या दोघांसाठी एलिमिनेटर सामना ‘करो या मरो’चा आहे. या सामन्यात विजयी होणाऱ्या संघाचा सामना क्वालिफायर-2 मध्ये दिल्ली कॅपिटल्ससोबत होणार आहे. तर पराभूत संघाचं आव्हान संपुष्टात येईल. त्यामुळे या सामन्यात कोणता संघ वरचढ ठरणार, हे पाहणं औत्सुक्याच ठरणार आहे.
संबंधित बातम्या :
IPL 2020 | आंतरराष्ट्रीय मैदानात उगवण्याआधीच सूर्यकुमारला नकोशा विक्रमाचे ग्रहण
Photo | हैदराबाद वरचढ ठरणार की बंगळुरु विजयश्री पटकावणार? दिल्लीशी कोणाची गाठ पडणार?
ipl 2020 eliminator srh vs rcb after winning the toss hyderabad skipper david warner record joins dhoni and rohit club
