Shikhar Dhawan | गब्बरची जब्बर खेळी, पटकावली ऑरेंज कॅप

शिखर धवनने (shikhar dhawan) पंजाब किंग्स (punjab kings) विरुद्धच्या सामन्यात 92 धावांची खेळी केली.

शिखर धवनने (shikhar dhawa) पंजाब किंग्स (punjab kings) विरुद्धच्या सामन्यात 92 धावांची खेळी केली.

Sanjay patil | Updated on: Apr 19, 2021 | 12:02 AM

मुंबई : आयपीएलच्या 14 व्या मोसमातील (IPL 2021) 11 वा सामन्यात दिल्ली कॅपिटल्सने (delhi capitals) पंजाब किंग्सवर (punjab kings) 6 विकेट्सने विजय मिळवला आहे. पंजाबने दिल्लीला विजयासाठी 196 धावांचे आव्हान दिले होते. हे विजयी आव्हान दिल्लाने 18.2 ओव्हरमध्ये 4 विकेट्स गमावून 198 धावा केल्या. सलामीवीर ‘गब्बर’ शिखर धवन दिल्लीच्या विजयाचा शिल्पकार ठरला. धवनने शानदार 92 धावांची खेळी केली. (ipl 2021 dc vs pbks delhi capitals shikhar dhawan scored 92 runs against punjab kings)

शिखरने एकूण 49 चेंडूत 13 चौकार आणि 2 सिक्ससह 92 धावा केल्या. दुर्देवाने शिखर नर्व्हस नाईंटीचा शिकार ठरला. अवघ्या 8 धावांनी शिखरचे शतक हुकले. पण शिखरने दिल्लीच्या विजयात महत्वाची भूमिका बजावली. त्याने केलेल्या या कामगिरीसाठी शिखरचा ‘मॅन द मॅच’ या पुरस्काराने गौरवण्यात आले.

#DelhiCapitals 3 down!

So close to a hundred but so far☹️

Shikhar Dhawan departs after scoring a brilliant 92! ?? #VIVOIPL #DCvPBKS

Jhye Richardson strikes for #PBKS.

Follow the match ? https://t.co/wbefi7u3wk pic.twitter.com/RTl1SNVm39

— IndianPremierLeague (@IPL) April 18, 2021

ऑरेन्ज कॅपचा मानकरी

शिखरने या 92 धावांच्या खेळीसह ऑरेन्ज कॅपही पटकावली आहे. आयपीएलमध्ये सर्वाधिक धावा करणाऱ्या फलंदाजाला ऑरेन्ज कॅप देण्यात येते. शिखरने या मोसमात आतापर्यंत 3 सामन्यात 186 धावा केल्या आहेत.

पॉइंट्सटेबलमध्ये दुसऱ्या क्रमांकावर झेप

दिल्लीने या विजयासह पॉइंट्सटेबलमध्ये मुंबई इंडियन्सला पछाडत दुसऱ्या क्रमांकावर झेप घेतली आहे. दिल्लीचा आजचा दुसरा विजय ठरला. दिल्ली 4 पॉइंट्ससह दुसऱ्या क्रमांकावर पोहचली आहे. मुंबई आणि दिल्लीचे पॉइंट्स समान आहेत. मात्र दिल्लीचा नेट्स रन रेट चांगला असल्याने दुसऱ्या क्रमांकावर मजल मारली आहे.

दिल्लीचा पुढील सामना केव्हा?

दिल्लीचा पुढील सामना 20 एप्रिलला चेन्नईत खेळवण्यात येणार आहे. या साम्यात दिल्लीची गाठ गतविजेत्या मुंबईसोबत पडणार आहे. त्यामुळे दिल्लीसमोर मुंबईचे तगडे आव्हान असणार आहे. या सामन्यात कोणता संघ वरचढ ठरणार, याकडे सर्वांचेच लक्ष असणार आहे.

संबंधित बातम्या