MS Dhoni: खुद्द धोनीनेच उत्तर दिलं की तो IPL 2027 मध्ये खेळणार की नाही? व्हिडिओ जोरदार व्हायरल

MS Dhoni IPL 2027: आयपीएल २०२७ साठी मिनी लिलाव होणार आहे. हा लिलाव नोव्हेंबर किंवा डिसेंबरमध्ये होईल. या लिलावापूर्वी २०२७ मध्ये एमएस धोनी खेळणार की नाही यासाठी चाहते आतुर आहे.आता त्यांच्या लाडक्या ‘थाला’ने आपल्या भविष्याबद्दल एक मोठा संकेत दिला आहे. एका मुलाखतीत धोनीने त्याच्या भविष्याबद्दल, आयपीएलबद्दल आणि निवृत्तीबद्दलच्या गोष्टी बोलून दाखवल्या आहेत.

धोनीने सांगितले की, “पुढचा हंगाम खेळण्यासाठी मला डिसेंबरपूर्वी फिटनेस चाचणी करून आपल्या शारीरिक स्थितीचे मूल्यांकन करावे लागेल.” २४ ऑक्टोबर रोजी बंगळूरु येथे एका आरोग्यविषयक कार्यक्रमादरम्यान तो असे म्हणाला. आयपीएलचा आणखी एक हंगाम खेळायला आवडेल का, असे विचारले असता धोनीने गंमतीने उत्तर दिले, “डॉक्टर, मला चाचणी करून घ्यावी लागेल. तुम्हाला मला अहवाल द्यावा लागेल आणि पुढचा हंगाम खेळण्यासाठी मी डिसेंबरपूर्वी किती मजबूत आहे हे मला पाहावे लागेल.”

#WATCH | Bengaluru, Karnataka | On his IPL future, Former Indian Cricket Team Captain Mahendra Singh Dhoni says, “I’ll have to go through the tests. You’ll have to give me the report, and before December, I’ll need to assess how strong I am and whether I can play one more season. If I’m not fit enough, then you’ll have to make sure you do everything right to get this old vintage vehicle running smoothly on the road…”

(24.10)

— ANI (@ANI) October 24, 2026

धोनी म्हणाला की, जर मी खेळण्यासाठी पुरेसा तंदुरुस्त नसेल, तर तो निरोगी आहे आणि पुढचा हंगाम खेळण्यासाठी तयार आहे, हे डॉक्टरांना सुनिश्चित करावे लागेल. स्वतःची तुलना एका जुन्या विंटेज कारशी करत धोनी म्हणाला की, “ती रस्त्यावर सुरळीतपणे चालू ठेवण्याची जबाबदारी डॉक्टरांची असेल.” त्याच्या या विधानावरून हे स्पष्ट होते की, आयपीएलमध्ये परतण्याचा निर्णय केवळ फिटनेस मूल्यांकनानंतरच घेतला जाईल.

आयपीएल २०२६ मध्ये एम.एस. धोनी चेन्नई सुपर किंग्सकडून एकही सामना खेळला नाही. पोटरीच्या दुखापतीमुळे आणि फिटनेसच्या समस्यांमुळे तो संपूर्ण हंगामातून बाहेर होता. परिणामी, आयपीएल २०२७ मध्ये त्याच्या पुनरागमनाची शक्यता कमी आहे. धोनीचे वय आणि मागील हंगामातील त्याची अनुपस्थिती पाहता, फिटनेस हा त्याच्यासाठी एक महत्त्वाचा घटक आहे.  त्याने अद्याप आयपीएल २०२७ मधील आपल्या सहभागाची अधिकृतपणे पुष्टी केलेली नाही.

धोनीच्या वक्तव्यामुळे आयपीएल २०२७ मध्ये त्याच्या पुनरागमनाची आशा निर्माण झाली आहे, पण ते अद्याप निश्चित नाही. वैद्यकीय चाचण्या आणि आपल्या तंदुरुस्तीचे मूल्यांकन केल्यानंतरच तो अंतिम निर्णय घेईल. डिसेंबरपूर्वी त्याच्या निर्णयाकडे सर्वांचे लक्ष लागलेले असेल. जर धोनी आणखी एका आयपीएल हंगामासाठी तंदुरुस्त ठरला, तर चाहत्यांना त्याला पुन्हा पिवळ्या जर्सीमध्ये खेळताना पाहण्याची संधी मिळू शकते. सध्या तरी, ‘थाला’चे पुनरागमन निश्चित होणे बाकी आहे.