Vaibhav Suryavanshi : इंग्लंडचा मोठा क्रिकेटर फायनलमध्ये वैभव सूर्यवंशीचा खेळ पाहून भारावला, त्याने लिहिलं की…
Vaibhav Suryavanshi : वैभव सूर्यवंशीने आज आपल्या बॅटिंगने कमाल केली. अनेक दिग्गज क्रिकेटपटूंना फायनलमध्ये जे शक्य होत नाही, ते वैभवने इतक्या लहान वयात करुन दाखवलं. वैभवचा खेळ अद्वितीय होता. इंग्लंडच्या एका मोठ्या क्रिकेटपटूलाही वैभवची इनिंग पाहून रहावलं नाही.
भारताच्या वैभव सूर्यवंशीने आज क्रिकेट विश्वाला जिंकलं. अंडर 19 वर्ल्ड कपच्या इतिहासातील आज दुसरं वेगवान शतक वैभव सूर्यवंशीने झळकावलं. महत्वाचं म्हणजे वर्ल्ड कप फायनलच्या सामन्यात त्याने ही कामगिरी केली. अवघ्या 55 चेंडूत वैभवने शतकाला गवसणी घातली. 80 चेंडूत 175 धावांची वादळी खेळी करुन वैभव आऊट झाला. वैभवच्या झंझावातापुढे इंग्लंडच्या गोलंदाजांना अक्षरक्ष: पालापाचोळा झाला. वैभव सूर्यवंशी इंग्लिश गोलंदाजांवर तुटून पडला. त्यांचा कर्दनकाळ बनला. त्याने आपल्या दमदार इनिंगमध्ये 15 फोर आणि 15 सिक्स मारले. वैभव सूर्यवंशीच्या या खेळीने भारतीय चाहते सुखावले. वैभवने आपल्या बॅटिंगने डोळ्याचं पारणं फेडलं. वैभव सूर्यवंशी तडफदार, आक्रमक बॅटिंगसाठी ओळखला जातो. आजच्या सामन्यातही तो तसाच खेळला.
वैभव सूर्यवंशीचा फायनलमधील हा खेळ पाहून इंग्लंडचा महान फलंदाज मायकल वॉनला सुद्धा रहावलं नाही. त्याने सुद्धा वैभवच्या इनिंगवर प्रतिक्रिया दिली आहे. मायकल वॉनने एक्सवर पोस्ट केलीय. ‘वैभव सूर्यवंशी…ही इनिंग खूप, खूप खास…’ अशा शब्दात त्याने कौतुक केलय. एरवी मायकल वॉन हा भारतावर टीका करण्यासाठी ओळखला जातो. त्याची आणि भारताचा माजी क्रिकेटपटू वासिम जाफर यांची एक्सवरील जुगलबंदी सोशल मीडियावर चर्चेचा विषय बनते. भारताच्या पराभवानंतर मायकल वॉन हा जिव्हारी लागेल असं बोलतो. पण आज त्याने मनापासून वैभव सूर्यवंशीचं कौतुक केलय.
Vaibhav Suryavanshi … this really is very very special .. #iccu19worldcup
— Michael Vaughan (@MichaelVaughan) February 6, 2026
वैभव सूर्यवंशी आऊट कसा झाला?
वनडे क्रिकेटमध्ये आयसीसीच्या फायनलमधील वैभव सूर्यवंशीचं हे आतापर्यंतचं वेगवान शतक आहे. मॅनी लमसडेनच्या 26 व्या ओव्हरमध्ये लॅप शॉट मारताना वैभव सूर्यवंशी बाद झाला. त्याने सोपा झेल दिला. पण त्याआधी वैभवने अनेक विक्रम केले. यंदाच्या वर्ल्ड कपमध्ये वैभव सूर्यवंशीने सर्वाधिक सिक्स मारण्याचा वर्ल्ड रेकॉर्ड मोडलाय. आपल्या पहिल्याचा वर्ल्ड कपमध्ये त्याने ही कमाल केलीय. वैभव सूर्यवंशीने सेमीफायनल नंतर फायनलमध्ये सुद्धा अर्धशतक फटकावलं. त्याने अवघ्या 32 चेंडूत आपलं अर्धशतक पूर्ण केलं. अंडर 19 वर्ल्ड कप 2026 मधील त्याचं हे चौथं अर्धशतक आहे.वैभव सूर्यवंशी याने आयपीएलनंतर अंडर 19 वर्ल्ड कप स्पर्धेच्या अंतिम सामन्यातही ऐतिहासिक कामगिरी केली.
