CWG 2026: नीरज चोप्रा VS अरशद नदीम, पुन्हा भारत पाकिस्तान आमनेसामने! सामन्याबाबत जाणून घ्या

कॉमनवेल्थ 2026 स्पर्धेतील भालाफेक प्रकारात क्रीडाप्रेमींना भारत विरुद्ध पाकिस्तान सामना पाहण्याची संधी मिळणार आहे. भालाफेक पात्रता फेरी 30 जुलैला पार पडणार आहे. यात जगभरातील 18 भालाफेकपटू सहभागी होणार आहेत. यातील निश्चित अंतर पार करणाऱ्या टॉप 12 खेळाडूंना अंतिम फेरीचं तिकीट मिळणार आहे. नीरज चोप्रा आणि पाकिस्तानचा अरशद नदीम यांचा फॉर्म पाहता त्यांना टॉप 12 मध्ये सहज स्थान मिळेल असं दिसतंय. या स्पर्धेत भारताकडून केवळ नीरज चोप्रा नाही, तर रोहित यादव आणि यश वीर सिंग हे दोन तरुण भालाफेकपटूही भारताचे प्रतिनिधित्व करत आहेत. या दोन खेळाडूंनी पात्रता फेरीत चांगली कामगिरी केली तर त्यांनाही अंतिम फेरीत खेळण्याची संधी मिळेल. पुरूषांच्या भालाफेक स्पर्धेच्या पात्रता फेरीत 30 जुलैला भारतीय वेळेनुसार दुपारी 2 वाजून 55 मिनिटांनी होणार आहे. त्यामुळे क्रीडाप्रेमींच्या नजरा या स्पर्धेकडे लागून आहे.

कॉमनवेल्थ गेम्स 2026 पुरुष भालाफेक पात्रता फेरीतील खेळाडू

• कॅमेरॉन मॅकएंटायर (ऑस्ट्रेलिया)
• कीशॉन स्ट्राचेन (बहामास)
• बेन ईस्ट (इंग्लंड)
• अँडरसन पीटर्स (ग्रेनेडा)
• नीरज चोप्रा (भारत)
• रोहित यादव (भारत)
• यश वीर सिंग (भारत)
• एल्विस ग्रॅहम (जमैका)
• ज्युलियस येगो (केनिया)
• चिनेचेरेम न्नामदी (नायजेरिया)
• अर्शद नदीम (पाकिस्तान)
• मुहम्मद यासिर (पाकिस्तान)
• लकोना गेरेगा (पापुआ न्यू गिनी)
• डौ स्मिट (दक्षिण आफ्रिका)
• रुमेश थरंगा पाथिरागे (श्रीलंका)
• सुमेधा रणसिंगे (श्रीलंका)
• केशॉर्न वॉलकॉट (त्रिनिदाद आणि टोबॅगो)
• उसूफोनो इनेली (टुवालू)

कॉमनवेल्थ गेम्स 2026 स्पर्धेत नीरज चोप्रासमोर यावेळी कठीण आव्हान असणार आहे. गतविजेता पाकिस्तानी अरशद नदीम , श्रीलंकेचा रुमेश थरंगा पाथिरागे, दोन वेळचा माजी विश्वविजेता ग्रेनेडाचा अँडरसन पीटर्स आणि त्रिनिदाद आणि टोबॅगोचा केशॉर्न वॉलकॉट हे प्रतिस्पर्धी असतील.

भारतात थेट प्रक्षेपण कुठे पाहावे?

कॉमनवेल्थ गेम्स 2026 चे थेट प्रक्षेपण भारतात सोनी स्पोर्ट्स नेटवर्कवर केले जाईल. भालाफेकीसह सर्व ॲथलेटिक्स स्पर्धांचे थेट प्रक्षेपण सोनी लिव्ह ॲप आणि वेबसाइटवर उपलब्ध असेल.

पुरुषांच्या भालाफेक पात्रता फेरी

दिनांक: 30 जुलै (गुरुवार)
वेळ: दुपारी 2:55 (भारतीय प्रमाणवेळेनुसार)

पुरुषांची भालाफेक अंतिम फेरी (पात्र ठरल्यास)

दिनांक: 31 जुलै (1 ऑगस्ट पहाटे)
वेळ: रात्री 12:45 (भारतीय प्रमाणवेळेनुसार)