रोहित शर्माने पुनरागमनाची घाई करु नये, रवी शास्त्री यांचा सल्ला

मुंबई : टीम इंडियाचा ‘हिटमॅन’ अर्थात सलामीवीर फलंदाज रोहित शर्मा याला आगामी ऑस्ट्रेलिया दौऱ्यातून वगळण्यात आले आहे. गुडघ्याचे स्नायू दुखावल्याने रोहित शर्मा आयपीएलमधील मागील पाच सामने खेळलेला नाही. अशातच रोहितने पुनरागमन करण्याची घाई करु नये. त्याने घाई गडबडीत मैदानावर पुनरागमनाचा निर्णय घेतला, तर त्याची दुखापत वाढेल, असं टीम इंडियाचे मुख्य प्रशिक्षक रवी शास्त्री म्हणाले. (Ravi Shastri On Rohit Sharma Medical Report)

रोहितच्या प्रकृतीवर बीसीसीआय देखरेख करत आहे. रोहितच्या वैद्यकीय अहवालानुसार, त्याने घाई गडबडीत मैदानावर पुनरागमनाचा निर्णय घेतला, तर त्याची दुखापत वाढेल, असा सल्ला रवी शास्त्री यांनी रोहितला दिला आहे.

रोहितला आगामी ऑस्ट्रेलिया दौऱ्यातून वगळल्याने चाहते नाराज आहेत. रोहितला दौऱ्यातून वगळण्याला नेटकऱ्यांनी रवी शास्त्रींना जबाबदार धरल्याचं पाहायला मिळालं. मात्र संघाच्या निवडीत प्रशिक्षकांचे मत विचारात घेतले जात नाही, तो निर्णय सर्वस्वी सिलेक्टर्सचा असतो, अशी स्पष्ट भूमिका रवी शास्त्री यांनी मांडली.

रोहितचा संघात समावेश न करण्याचा निर्णय निवड समितीने त्याचा वैद्यकीय अहवाल पाहून घेतला होता. बीसीसीआयचे वैद्यकीय पथक रोहितवर लक्ष ठेवून आहे. संघाच्या निवड प्रक्रियेत मी सामिल नाही. रोहितने निवड समितीला त्याच वैद्यकीय अहवाल सादर केला आहे आणि त्यानंतर निवड समितीने त्यांचा निर्णय घेतला. त्यांचे काम त्यांना चांगल्या प्रकारे माहिती आहे.

रोहित दुखापतीतून सावरतोय- कायरन पोलार्ड

रोहितच्या कमबॅकबाबत पोलार्ड म्हणाला की, रोहित त्याच्या दुखापतीमधून सावरतोय, लवकरच तो संघात कमबॅक करेल. दिल्ली कॅपिटल्सविरुद्धच्या सामन्यानंतर पोलार्ड समलोचकांशी बोलत होता. किंग्स इलेव्हन पंजाबविरुद्धच्या सामन्यादरम्यान रोहितच्या डाव्या पायाचे स्नायू दुखावले गेले होते. त्यातूनत रोहित आता सावरतोय.

रोहितवरील उपचार आणि त्याच्या फिटनेसवर लक्ष ठेवून असलेल्या एका सुत्राने गोपनियतेच्या अटीवर सांगितले की, रोहित प्ले ऑफमधील सामने खेळण्याची अधिक शक्यता आहे. संघ गुणतालिकेत पहिल्या स्थानावर कायम राहणार असल्याने रोहितला दुखापतीमधून सावरण्यासाठी आणि फिट होण्यासाठी अधिक वेळ मिळणार आहे.

(Ravi Shastri On Rohit Sharma Medical Report)

संबंधित बातम्या

IPL 2020 : रोहित शर्माच्या कमबॅकबाबत कायरन पोलार्डचं मोठं वक्तव्य

India Tour Australia | ऑस्ट्रेलिया दौर्‍यासाठी टीम इंडियाची घोषणा, ‘हिटमॅन’ संघाबाहेर