Vaibhav Sooryavanshi: अरे तो राज्य करेल तुम्ही जरा थांबा…वैभव सूर्यवंशीबद्दल श्रेयस अय्यर जे बोलला ते ऐकदा वाचाच

IND vs WI T20: आशियाई क्रीडा स्पर्धेचा फायनल सामन्यात भारतीय पुरुष क्रिकेट संघ विरुद्ध पाकिस्तान क्रिकेट संघ असा सामना रंगला. या फायनल सामवन्यात वैभव सूर्यवंशीला विशेष कामगिरी करता आलेली नाही. वैभवच्या या कामगिरीचा आता पुढील मालिकेवरही परिणाम पडणार आहे का असा प्रश्न चाहत्यांना पडला होता. आता उद्यापासून वेस्ट इंडिजविरुद्ध टी-२० मालिका सुरु होणार आहे. या मालिकेतही आता वैभवचा पत्ता कट होणार की त्याला संधी मिळणार, यावर श्रेयस अय्यरने आता विधान केले आहे.

श्रेयस वैभवबद्दल काय म्हणाला?

भारताचा टी२० कर्णधार, श्रेयस अय्यरने १५ वर्षीय स्फोटक सलामीवीर फलंदाज वैभव सूर्यवंशीबद्दल एक महत्त्वपूर्ण विधान केले आहे. श्रेयस म्हणाला की,  “वैभव सूर्यवंशीची वेळ आली की तो क्रिकेटवर राज्य करेल. मी जाणूनबूजून वैभवसोबत क्रिकेटसंदर्भातील गोष्टींवर चर्चा करणं टाळतो, मी त्याच्याशी पसर्नल आयुष्यासंदर्भात गप्पा मारतो म्हणजे चांगले संबंध निर्माण होतील. वैभवला मोठी भूमिका देण्याची घाई करण्याची गरज नाही.”

जिओस्टारशी बोलताना अय्यर म्हणाला, “मी वैभवशी मैदानाबाहेरील गोष्टींबद्दल बोलत असतो, कारण प्रत्येकजण त्याच्याशी क्रिकेटबद्दल बोलतो आणि एक खेळाडू म्हणून तो किती प्रतिभावान आणि सक्षम आहे हे आम्हाला माहीत आहे. म्हणूनच तो त्याच्या मैदानाबाहेरील जीवनशैली, त्याचे कुटुंब, तो काय करतो आणि काय करत नाही याबद्दल बोलण्यास अधिक उत्सुक असतो, कारण या विषयांवर चर्चा करताना तो अधिक सहज आणि प्रामाणिकपणे बोलतो.”

कर्णधाराने हे देखील स्पष्ट केले की, वैभवला वगळले जात आहे याचा अर्थ असा नाही तो सक्षम नाही, पण सध्या त्याला संधी मिळणं अवघड दिसत आहे. आशियाई क्रीडा स्पर्धेत संघाला टी-२० आंतरराष्ट्रीय सुवर्णपदक मिळवून दिल्यानंतर, श्रेयस अय्यर आता वेस्ट इंडिजविरुद्धच्या तीन सामन्यांच्या मालिकेतही तीच लय कायम ठेवून मालिका लवकर जिंकण्याचा प्रयत्न करेल. आता ६ ऑक्टोबर, ८ ऑक्टोबर आणि १० ऑक्टोबरला हे तीन टी-२० सामने रंगतील.