Smriti Mandhana: कॅप्टन म्हणून पहिली मालिका जिंकली अन् मॅचविनरचाच उल्लेख टाळला, मॅचनंतर स्मृती मानधना काय बोलली?

Smriti Mandhana On Team India: भारतीय महिला क्रिकेट संघाने झिम्बाब्वेविरुद्धच्या टी-२० मालिकेत शानदार कामगिरी केली. पहिल्या सामन्यात संघर्ष केल्यानंतर भारताने दुसरा आणि तिसरा सामना सहज जिंकला. रायपूर येथे झालेल्या टी-२० मालिकेतील तिसऱ्या सामन्यात भारतीय संघाने ९२ धावांच्या मोठ्या फरकाने विजय मिळवला. कर्णधार स्मृती मानधनाची पहिलीच मालिका कर्णधार म्हणून होती. कर्णधार म्हणून मालिका जिंकताच स्मृती मानधना काय म्हणाली?

अंतिम टी-२० सामन्यात प्रथम फलंदाजी करताना भारताने २१६ धावा केल्या. कर्णधार स्मृती मंधाना संघाच्या फलंदाजीवर खूप खूश होती आणि म्हणाली, “फलंदाजी उत्कृष्ट होती. अनुष्काने सुरुवात केली, त्यानंतर शफाली आणि हरमन आल्या. मला वाटते की प्रत्येकाने योगदान दिले आणि हे पाहून खूप आनंद झाला. क्षेत्ररक्षणातही गोलंदाजांनी आपल्या योजना चांगल्या प्रकारे अंमलात आणल्या. काही गोष्टींवर आम्हाला काम करण्याची गरज आहे. आम्ही परत जाऊन त्यावर काम करू.”

New era unlocked 👑🔥 Captain Smriti Mandhana starts her captaincy journey with a bang! Lifting the T20I series trophy with Team India 🏆🇮🇳 The Queen means business. #SmritiMandhana #WomenInBlue https://t.co/6Mhw9dtfLh

— CricketIndian_🇮🇳 (@CricketIndian_) October 21, 2026

भारतीय संघाने पहिल्या सामन्यात अनपेक्षित पराभव टाळला, पण त्यानंतर त्यांनी झिम्बाब्वेला कोणतीही संधी दिली नाही. कर्णधार म्हणाली, “पहिल्या सामन्यात मधल्या फळीने चांगली कामगिरी केली नाही आणि आघाडीच्या फळीनेही तशीच कामगिरी केली नाही. त्यानंतर, दुसऱ्या सामन्यात त्यांना फलंदाजीची संधीच मिळाली नाही. त्यामुळे, मैदानावर थोडा वेळ घालवणे आणि आपल्या खात्यात काही धावा जमा करणे नेहमीच चांगले असते.”

टी-२० सामन्यांनंतर भारत आणि झिम्बाब्वे यांच्यात एकदिवसीय मालिका खेळली जाणार आहे. कर्णधार स्मृती मंधानाची इच्छा आहे की संघाने एकदिवसीय मालिकेत आपले वर्चस्व कायम ठेवावे. ती म्हणाली, “आम्ही तिन्ही सामन्यांमध्ये मजबूत वर्चस्व राखले. आम्ही एकदिवसीय मालिकेतही तेच करण्याचा प्रयत्न करू. आम्ही एक संघ म्हणून यावर चर्चा केली आहे. आम्हाला आशा आहे की आम्ही वडोदरामध्येही तीच कामगिरी करू शकू.”

कालच्या सामन्यात सर्वाधिक विकेट या नंदिनी शर्माने काढल्या. तिने एकूण तीन विकेट काढल्या. पण स्मृतीने तिच्या नावाचा उल्लेखही केला नाही. यामुळे स्मृतीने मॅचविनरचाच उल्लेख टाळला असं आता चाहते बोलून दाखवल आहे.