Virat Kohli: दोस्त दोस्त ना रहा! विराटने चक्क धोनीला डावललं, सर्वांचीच नाव घेतली पण माहीलाच विसरला

विराट कोहलीची गणना जगातील सर्वोत्कृष्ट फलंदाजांमध्ये केली जाते. त्याने अनेक जागतिक विक्रम मोडले आहेत. एकदिवसीय क्रिकेटमध्ये सर्वाधिक शतकांचा विक्रम त्याच्या नावावर आहे. या फॉरमॅटमध्ये सर्वात जलद १५,००० धावा करणारा तो सर्वात वेगवान खेळाडू आहे. त्याला ‘चेस मास्टर’ म्हणून ओळखले जाते. जेव्हा जगातील सर्वोत्कृष्ट एकदिवसीय फलंदाज तयार करण्यास सांगितले गेले, तेव्हा भारताच्या या सुपरस्टार क्रिकेटपटूने स्वतःची निवड केली नाही. त्याने सात महान खेळाडूंचे वेगवेगळे गुण एकत्र करून आपला स्वप्नवत खेळाडू तयार केला.

विराटच्या मते सर्वोत्कृष्ट कोण?

स्ट्रेट ड्राईव्ह: सचिन तेंडुलकर (भारत) कव्हर ड्राईव्ह: कुमार संगकारा (श्रीलंका) फ्लिक शॉट: राहुल द्रविड (भारत) कट शॉट: वीरेंद्र सेहवाग (भारत) स्वीप शॉट: मॅथ्यू हेडन (ऑस्ट्रेलिया) षटकार मारण्याची ताकद: ख्रिस गेल (वेस्ट इंडीज) विकेट्समध्ये सर्वात जलद धावणे: एबी डिव्हिलियर्स (दक्षिण आफ्रिका)

विराट कोहलीची निवड पारंपरिक क्रिकेट तंत्रांबरोबरच आधुनिक पॉवर-हिटिंग आणि धावण्याबद्दलचा त्याचा आदर स्पष्टपणे दर्शवते. सचिन, द्रविड, सेहवाग आणि संगकारा यांचे क्लासिक फलंदाजीचे सूत्र या स्वप्नवत फलंदाजाचा पाया असले तरी, गेलचे गगनचुंबी षटकार, हेडनचा स्वीप आणि डिव्हिलियर्सची चित्त्यासारखी धाव त्याला एकदिवसीय क्रिकेटमधील सर्वात धोकादायक आणि परिपूर्ण फलंदाजांपैकी एक बनवते.

स्वतः कव्हर ड्राईव्हचा मास्टर मानल्या जाणाऱ्या विराट कोहलीने, श्रीलंकेचा महान डावखुरा फलंदाज कुमार संगकाराचा कव्हर ड्राईव्ह हा आवडता शॉट असल्याचे म्हटले. इतकेच नाही, तर आपल्या अविश्वसनीय वेगासाठी आणि विकेट्समधील चपळतेसाठी ओळखल्या जाणाऱ्या कोहलीने, चांगल्या फिजिक्ससाठी एबी डिव्हिलियर्सची निवड केली.

या सर्वमध्ये त्याने कुठेच त्याचा अगदी जवळचा मित्र महेंद्र सिंग धोनीचा उल्लेखही केला नाही. धोनी आणि त्याची मैत्री इतकी चांगली आहे तरीही त्याने धोनीचा उल्लेख करणं टाळलं. विराटच्या या निर्णयामुळे सर्वच चाहत्यांंना धक्का बसला. जे खासकरुन धोनी आणि विराटचे म्हणजेच ‘माहीराट’ चे चाहते आहेत त्यांच्या भावना दुखावल्या आहेत.