के एल राहुलच्या जागी संघात आला नवखा खेळाडू, बीसीसीआयकडून थेट नाव जाहीर, कोण आहे शिखर मोहन?

KL Rahul Replacement: झारखंडचा सलामीवीर शिखर मोहनला न्यूझीलंड ‘अ’ संघाविरुद्धच्या शेवटच्या दोन चार दिवसीय सामन्यांसाठी पहिल्यांदाच इंडिया ‘अ’ संघात बोलावण्यात आले आहे. न्यूझीलंड ‘अ’ संघाविरुद्ध आपला पहिला चार दिवसीय सामना खेळल्यानंतर एकदिवसीय संघात निवड झालेल्या केएल राहुलची जागा हा २१ वर्षीय खेळाडू घेईल. हा डावखुरा फलंदाज सध्याच्या रणजी करंडक हंगामात उत्कृष्ट फॉर्ममध्ये असून, त्याने सलग दोन शतके झळकावली आहेत. शिखरने जमशेदपूरमध्ये केरळविरुद्ध १४३ धावा केल्या आणि त्यानंतर पुण्यात महाराष्ट्राविरुद्ध १२७ धावांची खेळी केली.

शिखर मोहनचे मार्गदर्शक आणि झारखंडचे माजी क्रिकेटपटू इशान जग्गी यांनी या युवा खेळाडूचे कौतुक केले असून, शिखरसाठी पुढचे पाऊल उचलण्याची हीच योग्य वेळ असल्याचे म्हटले आहे. जग्गी म्हणाले, “हीच योग्य वेळ आहे. तो चांगल्या फॉर्ममध्ये आहे. त्याने रणजी करंडकात दोन शतके झळकावली आहेत. त्याने दुलीप करंडक अंतिम सामना आणि इराणी करंडकामध्येही शानदार कामगिरी केली होती.”

शिखरने २०२५-२६ मधील आपल्या पदार्पणाच्या हंगामात ५५.७३ च्या सरासरीने ६१३ धावा केल्या, ज्यात दोन शतकांचा समावेश होता. त्याने नव्या हंगामाची सुरुवातही दणक्यात केली. जमशेदपूरच्या कीनन स्टेडियमवर केरळविरुद्ध झारखंडच्या पहिल्या सामन्यात त्याने १४३ धावा केल्या. दुलीप ट्रॉफीच्या अंतिम सामन्यात पूर्व विभागासाठी महत्त्वपूर्ण योगदान दिले, दोन्ही डावांमध्ये अनुक्रमे ८५ आणि ५२ धावा केल्या. त्यानंतर तो इराणी ट्रॉफीमध्ये ‘रेस्ट ऑफ इंडिया’ संघाकडून खेळला आणि श्रीनगरच्या हिरव्यागार खेळपट्टीवर ६० धावांची दमदार खेळी केली.

जग्गीने स्पष्ट केले की, “शिखर गेल्या चार-पाच वर्षांपासून सातत्यपूर्ण फॉर्ममध्ये आहे आणि त्याने वयोगट क्रिकेटवरही वर्चस्व गाजवले आहे.” शिखरने स्वतः कबूल केले की, मी नेहमीच मोठ्या खेळी खेळण्याचा प्रयत्नात असतो, कधी कधी अपयशी ठरलो की सरांसोबत काम करतो. चेंडूचा सामना करण्यापूर्वी, मी स्वतःशी बोलतो. मी स्वतःला चेंडूवर लक्ष ठेवण्याची आणि एकाग्र राहतो. यामुळे मला खूप मदत झाली आहे.” सरांनीही मला यात मदत केली, विशेषतः जेव्हा ते १९ वर्षांखालील संघात होते. मी एका वेळी एका चेंडूवर अधिक लक्ष केंद्रित करू लागलो. या दृष्टिकोनामुळे मला खरोखरच खूप मदत झाली आहे.”

तो म्हणाला, “प्रत्येकजण एका टप्प्यातून जातो, पण तुम्हाला हे समजून घ्यावे लागेल की मी सातत्याने ७० आणि ८० धावा करत आहे, जी काही लहान कामगिरी नाही. मी अजूनही नवखा आहे आणि मला स्वत:ला आणखी घडवायचे,  म्हणूनच मी म्हणालो की ही निवड योग्य वेळी झाली आहे.” शिखर २६ ऑक्टोबरला न्यूझीलंडसाठी रवाना होईल आणि क्राइस्टचर्चमध्ये भारत ‘अ’ संघात सामील होईल. दुसरा चार दिवसीय सामना ३१ ऑक्टोबरपासून तिथे खेळला जाईल.