जिओ युजर्ससाठी मोठी बातमी, रिलायन्सने ग्राहकांच्या हितासाठी एअरटेलबरोबर केली भागीदारी

रिलायन्स जिओ आता आंध्र प्रदेशात 3.75, दिल्लीत 1.25 आणि मुंबईत 2.50 मेगाहर्ट्झचा वापर पूर्वीच्या तुलनेत ग्राहकांना अधिक स्पेक्ट्रम सेवा प्रदान करण्यास सक्षम असेल. (Big news for Geo users, Reliance has partnered with Airtel for the benefit of customers)

  • टीव्ही 9 मराठी डिजीटल टीम
  • Published On - 8:00 AM, 7 Apr 2021
जिओ युजर्ससाठी मोठी बातमी, रिलायन्सने ग्राहकांच्या हितासाठी एअरटेलबरोबर केली भागीदारी
रिलायन्सने ग्राहकांच्या हितासाठी एअरटेलबरोबर केली भागीदारी

मुंबई : रिलायन्स जिओ आणि एअरटेल या दोन टेलिकॉम दिग्गज कंपन्यांमध्ये एक महत्त्वपूर्ण करार झाला आहे. एअरटेलबरोबरच्या या स्पेक्ट्रम व्यापार कराराखाली जिओने आंध्र प्रदेश, दिल्ली आणि मुंबईच्या 800 मेगाहर्ट्झ बँडमध्ये स्पेक्ट्रमचे अधिकार विकत घेतले आहेत. या करारानंतर रिलायन्स जिओ वापरकर्त्यांना या तिन्ही शहरांमध्ये चांगली सेवा आणि सुविधा मिळतील. जिओ आणि एअरटेल दरम्यान झालेल्या या कराराचे एकूण मूल्य 1,497 कोटी रुपये आहे. रिलायन्स जिओ आता आंध्र प्रदेशात 3.75, दिल्लीत 1.25 आणि मुंबईत 2.50 मेगाहर्ट्झचा वापर पूर्वीच्या तुलनेत ग्राहकांना अधिक स्पेक्ट्रम सेवा प्रदान करण्यास सक्षम असेल. (Big news for Jio users, Reliance has partnered with Airtel for the benefit of customers)

स्पेक्ट्रम डील अंतर्गत एअरटेलला जिओकडून मिळणार 1037.6 कोटी रुपये

अहवालानुसार, जिओ आणि एअरटेलच्या स्पेक्ट्रम डील अंतर्गत एअरटेलला जिओकडून 1037.6 कोटी रुपये मिळतील. दूरसंचार विभागाने जारी केलेल्या स्पेक्ट्रम व्यापाराच्या मार्गदर्शक सूचनांचे अनुसरण करून हा व्यापार करार पूर्ण झाला आहे. यामध्ये रिलायन्स जिओ स्पेक्ट्रम खरेदीसाठी एकूण 1,497 कोटी रुपये देईल, त्यात डिफर्ड पेमेंट्स अंतर्गत 459 कोटींच्या देय रक्कम समाविष्ट आहे.

जिओ वापरकर्त्यांना मिळेल चांगली सेवा

जिओ आणि एअरटेल यांच्यात या स्पेक्ट्रम करारानंतर जिओ वापरकर्त्यांना चांगली सेवा मिळेल. परंतु याचा फायदा फक्त आंध्र प्रदेश, दिल्ली आणि मुंबईतीलच वापरकर्त्यांना घेता येणार आहे. एअरटेलचे एमडी आणि मुख्य कार्यकारी अधिकारी (भारत आणि दक्षिण आशिया) गोपाळ विठ्ठल म्हणाले की, या तीन मंडळांमध्ये 800 मेगाहर्ट्झ ब्लॉक विकून कंपनीने आपले मूल्य वापरले आहे ज्याचा वापर होत नव्हता. करार पूर्णपणे एक नेटवर्क स्ट्रेटजी आहे. या करारानंतर रिलायन्स जिओचे मुंबई सर्कलमधील 800 मेगाहर्ट्झ बँडमध्ये 2X15MHz स्पेक्ट्रम आणि आंध्र प्रदेश आणि दिल्ली सर्कलमधील 800 मेगाहर्ट्झ बँडमध्ये 2X10MHz स्पेक्ट्रम उपलब्ध असेल. जिओने सांगितले की, स्पेक्ट्रम डीलनंतर चांगल्या पायाभूत सुविधांच्या तैनातीसह आरजेआयएलने आपली नेटवर्क क्षमता आणखी वाढविली आहे. म्हणजेच स्पेक्ट्रम-आधारीत सेवा आता पूर्वीपेक्षा अधिक मजबूत होईल.

जिओने अलिकडेच 57,100 कोटी रुपयांत खरेदी केले स्पेक्ट्रम

मुकेश अंबानी यांची कंपनी रिलायन्स जिओने मार्चच्या सुरुवातीला स्पेक्ट्रमच्या विक्रीत सर्वाधिक बोली लावली होती. कंपनीने 800 मेगाहर्ट्झ, 1800 मेगाहर्ट्ज आणि 2300 मेगाहर्ट्झ बँडमध्ये 488.35 मेगाहर्ट्झ स्पेक्ट्रम 57,100 कोटी रुपयांमध्ये खरेदी केली आहे. (Big news for Jio users, Reliance has partnered with Airtel for the benefit of customers)

इतर बातम्या

आपल्या घराच्या मोकळ्या छतावरून कमवा लाखो रुपये, ‘या’ 4 व्यावसायिक कल्पना येणार कामी

ब्रेकअप झालंय, टेन्शन येतंय?, तरुणांनो इंदोरीकर महाराजांचा हा भन्नाट व्हिडीओ एकदा पाहाच