10 हजार रुपयांच्या रेंजमध्ये Nokia चा ढासू स्मार्टफोन लाँच, जाणून घ्या शानदार फीचर्स
स्मार्टफोनच्या लोकप्रिय सी-सीरीज पोर्टफोलिओला बळकट करण्यासाठी नोकिया एचएमडी ग्लोबलने गुरुवारी बजेट स्मार्टफोन नोकिया सी 30 (Nokia C30) दोन स्टोरेज व्हेरिएंटमध्ये सादर केला आहे.
स्मार्टफोनच्या लोकप्रिय सी-सीरीज पोर्टफोलिओला बळकट करण्यासाठी नोकिया एचएमडी ग्लोबलने गुरुवारी बजेट स्मार्टफोन नोकिया सी 30 (Nokia C30) दोन स्टोरेज व्हेरिएंटमध्ये सादर केला आहे.
नोकिया C30 प्रमुख ऑफलाइन रिटेल स्टोअर्स, ई-कॉमर्स प्लॅटफॉर्म आणि nokia.com वर अनुक्रमे 10,999 आणि 11,999 रुपयांमध्ये 3GB RAM + 32GB स्टोरेज आणि 4GB + 64GB वेरिएंटमध्ये उपलब्ध आहे. हा फोन ग्रीन आणि व्हाईट या दोन कलर ऑप्शन्समध्ये सादर करण्यात आला आहे.
एचएमडी ग्लोबलचे उपाध्यक्ष सन्मीत सिंग कोचर म्हणाले की, "नवीन नोकिया सी 30 आमच्या सी-सीरिज रेंजमध्ये सर्वात शक्तिशाली स्मार्टफोन आहे. हा फोन परवडणाऱ्या किंमतीसह उत्तम एक्सपीरियन्स देतो. हा फोन लोकांच्या मागण्या पूर्ण करेल.
या स्मार्टफोनमध्ये 6.82 इंचांचा HD+ डिस्प्ले आणि 6,000mAh क्षमतेची बॅटरी आहे जी सिंगल चार्जवर तीन दिवस टिकू शकते. यात 13MP ड्युअल कॅमेरा सपोर्ट आहे.
जिओ एक्सक्लुझिव्ह ऑफरचा लाभ घेणाऱ्या ग्राहकांना बेस्ट प्राईस टॅगवर 10 टक्के किंवा जास्तीत जास्त 1,000 रुपयांचा इमीडिएट व्हॅल्यू सपोर्ट मिळेल. त्यामुळे ग्राहकांना 3 जीबी आणि 4 जीबी व्हर्जनसाठी अनुक्रमे 9,999 आणि 10,999 रुपये मोजावे लागतील.
