Pushpa सिनेमातली गाणी झाली, रील्स झाले, डायलॉग्सही झाले; आता हे काय नवीनच? पाहा ‘हा’ Viral Video

गुजरातमधल्या सुरतमध्ये पुष्पा सिनेमाच्या थीमवर बनवलेली साडी

अल्लू अर्जुन (Allu Arjun) आणि रश्मिका मंदाना (Rashmika Mandanna) यांच्या ‘पुष्पा: द राइज’ (Pushpa the rise) या चित्रपटाला देशभरात अभूतपूर्व यश मिळाले, हे वेगळे सांगायला नको. दमदार संवाद असो किंवा हृदयाला स्पर्श करणारी गाणी असो, चित्रपट सर्वांना प्रभावित करण्यात यशस्वी ठरला आहे. या चित्रपटाची क्रेझ, चित्रपटाचा ज्वर इतक्यात संपेल असे वाटत नाही. केवळ सेलिब्रिटीच नाही तर सामान्य लोकांनीही श्रीवल्ली आणि सामी-सामीच्या गाण्यांवर इन्स्टाग्राम रील्स व्हिडिओ बनवले आहेत. ‘पुष्पा’ची भूमिका साकारणाऱ्या अल्लू अर्जुनची हुबेहूब कॉपी करणारेही अनेक जण होते. गाण्यांपासून ते संवादांपर्यंत सर्वच बाबतीत हा चित्रपट हिट ठरला. आता अनेक फॅशन डिझायनर्सही चित्रपटाच्या पोस्टर्ससोबत साड्या छापून चित्रपटाची लोकप्रियता कॅश करण्याचा प्रयत्न करत आहेत.

चर्चेचा विषय

एक व्हिडिओ समोर आला आहे, ज्यामध्ये चित्रपटाच्या पोस्टरसह छापलेल्या साड्या गुजरातमधील सुरतमध्ये दाखवल्या आहेत. चरणजीत क्रिएशन्स या स्थानिक दुकानाने बनवलेली अनोखी साडी शहरात चर्चेचा विषय बनली आहे. पुष्पा पोस्टर वापरून साडी बनवण्याची कल्पना मालक चरणपाल सिंग यांनी मांडली होती, ज्यांनी सोशल मीडियावर छापील साड्यांचे अनेक नमुने शेअर केले होते जे व्हायरल झाले होते. काही वेळातच, अनेक ग्राहकांनी दुकानात गर्दी केली आणि मालकाला देशभरातील कापड व्यापाऱ्यांकडून मोठ्या प्रमाणात मागणी आली.

ट्विटरवर शेअर

राजस्थान, महाराष्ट्र, उत्तर प्रदेश आणि छत्तीसगडसह प्रमुख राज्यांतील लोक तिला ‘पुष्पा’ साडी म्हणत ऑर्डर करत आहेत. जोपर्यंत या चित्रपटाचा ट्रेंड चालू आहे तोपर्यंत काहीतरी नवीन आणि विचित्र पाहायला मिळत राहील, यात शंकाच नाही. जेव्हा महिलांनी ही साडी पाहिली तेव्हा त्यांना खूप आनंद झाला, त्यामुळेच आता या साडीला महिलांमध्ये मोठी मागणी आहे. ट्विटरवर टोटली अल्लू अर्जुन (TeamTAFC) या अकाऊंटवरून व्हिडिओ शेअर झाला आहे.

आणखी वाचा :

जेव्हा Ajay Devgnला राग येतो..! Video Share करत Anand Mahindra म्हणाले, बहुतेक शहर सोडून जावं लागेल..!

Boyfriend on Rent video : आमच्याकडेही पाहा! हातात पोस्टर घेऊन या विद्यार्थ्याला नेमकं म्हणायचंय तरी काय?

Viral Video : ‘या’ आजीचं इंग्रजीचं कौशल्य पाहा, खास शैलीचं यूझर्स करतायत कौतुक