Video : समोसा खायची इच्छा झाली, लोको पायलटने थेट रेल्वेच थांबवली? त्या व्हिडीओची तुफान चर्चा!
आता संबंधित व्हिडीओ सोशल मीडियावर व्हायरल झाल्यानंतर वेगवेगळ्या प्रतिक्रिया व्यक्त केल्या जात आहेत. लोको पायलटने कोणत्या अधिकाराखाली रेल्वे थांबवली. त्याला रेल्वे थांबवण्यासाठी आदेश मिळालेला होता का? असे अनेक प्रश्न उपस्थित केले जात आहेत.
भारतात रोज लाखो लोक रेल्वेने प्रवास करतात. रेल्वेचा प्रवास हा सर्वाधिक सुरक्षित आणि किफायतशीर मानला जातो. म्हणूनच गरिबांपासून ते मध्यमवर्गीयांपर्यंत सगळे रेल्वे प्रवासालाच प्राधान्य देतात. रेल्वेचा प्रवास सुरळित आणि सुरक्षित व्हावा यासाठी रेल्वे विभागातील कर्मचाऱ्यांना नियमांचे काटेकोर पालन करावे लागते. कामात कुचराई केल्यास कायद्यानुसार कारवाई केली जाते. दरम्यान, मध्य प्रदेशमध्ये एक अजब असा प्रकार समोर आला आहे. रेल्वेच्या चालकाने म्हणजेच लोको पायलटने चक्क समोसा खाण्यासाठी रेल्वे थांबवली आहे.
लोको पायलट चक्क समोशाच्या दुकानावर
सध्या सोशल मीडियावर एक व्हिडीओ तुफान व्हायरल होत आहे. या व्हिडीओ एक व्यक्ती रेल्वेच्या लोको पायलटवर गंभीर आरोप करत आहे. संबंधित लोको पायलटने फक्त समोसे खाण्यासाठी बेकायदेशीररित्या रेल्वे थांबवली आहे, असा आरोप या व्हिडीओत करण्यात आला आहे. संबधित व्हिडीओत रेल्वे रुळावर रेल्व उभी असल्याचे दिसत आहे. दुसरीकडे रेल्वे चालवणारा लोको पायलट चक्क समोशाच्या दुकानावर गेलेला दिसतोय.
रेल्वे थांबवली पण…
लोको पायलटने काही समोसे खरेदी केले आहेत. समोशांची पिशवी घेऊन तो पुन्हा रेल्वेत जाताना दिसतोय. त्यानंतर थोड्या वेळाने रेल्वे चालू होतानाही व्हिडीओमध्ये दिसत आहे. म्हणूनच फक्त समोसे खाण्यासाठी लोको पायलटने संपूर्ण रेल्वे थांबवली होती, असा दावा केला जातोय.
रेल्वे कुठे थांबवायची, किती वेळ थांबवायची….
दरम्यान, आता संबंधित व्हिडीओ सोशल मीडियावर व्हायरल झाल्यानंतर वेगवेगळ्या प्रतिक्रिया व्यक्त केल्या जात आहेत. लोको पायलटने कोणत्या अधिकाराखाली रेल्वे थांबवली. त्याला रेल्वे थांबवण्यासाठी आदेश मिळालेला होता का? असे अनेक प्रश्न उपस्थित केले जात आहेत. रेल्वे कुठे थांबवायची, किती वेळ थांबवायची यासाठी काही नियम असतात. समोरून आदेश आल्याशिवाय रेल्वे कुठेही मध्येच थांबवता येत नाही. असे असताना लोको पायलटने मध्येच रेल्वे थांबवली का? असाही सवाल उपस्थित केला जातोय.
VIDEO | Indore, Madhya Pradesh: A video showing the loco pilot of the Indore-Mhow DEMU train stopping reportedly to buy samosas from a shop beside the tracks has surfaced.
Railways has ordered a probe after the video, which allegedly shows the train being halted for samosas,… pic.twitter.com/RX5HGS3uus
— Press Trust of India (@PTI_News) July 8, 2026
दरम्यान, आता संबंधित लोको पायलटची चौकशी केली जाणार आहे. चौकशीतून सत्य समोर आल्यानंतर कारवाई केली जाणार आहे.
