बघताच एलियन वाटतो… हात लावताच करंट मारतो… या अजीब किड्याने सर्वांनाच केलं हैराण
फोबेट्रॉन पिथेसियम (हॅग मॉथ) हा एलियनसारखा दिसणारा एक अनोखा कीटक आहे, ज्याला 'मंकी स्लग कॅटरपिलर' असेही म्हणतात. त्याचा स्पर्श धोकादायक असून, त्यामुळे मधमाशीच्या डंखाप्रमाणे तीव्र वेदना होऊ शकतात. ही अळी मोठी झाल्यावर साध्या पतंगात रूपांतरित होते. त्याच्या विचित्र रूपावर भाळून त्याला चुकूनही स्पर्श करू नका.
निसर्गात एकाहून एक असे अजब आणि अनोखे जीव आहेत. काही त्यांच्या सौंदर्याने मन मोहून घेतात, पण काही एवढे भीतिदायक असतात की त्यांच्याजवळ जाण्याचीही हिंमत होत नाही. आजा आपण अशाच एका जीवाबद्दल, विचित्र किड्याबद्दल जाणून घेणार आहोत, पहिल्यांद पाहताच तो एखाद्या एलियनसारखा किंवा स्टारफिश सारखा दिसतो. पण त्याला हात लावायला गेलात, तर त खूपच महागात पडू शकतं. जाणून घेऊया या अजीबोगरीब किड्याबद्दल..
कोणता आहे हा कीडा ?
या अनोख्या जीवाचे वैज्ञानिक नाव फोबेट्रॉन पिथेसियम (Phobetron pithecium) असं आहे. सामान्यतः याला हॅग मॉथ (Hag Moth) किंवा मंकी स्लग कॅटरपिलर (Monkey Slug Caterpillar) असं म्हणतात. याची अळी एखाद्या कापलेल्या स्टारफिश सारखी किंवा स्लगसारखी दिसते. शरीरातून बाहेर आलेले विचित्र अवयवांमुळे हा जणू दुसऱ्या ग्रहावरील जीवासारखा दिसतो. हा प्रामुख्याने उत्तर अमेरिकेतील जंगले आणि बागांमध्ये आढळतो.
स्पर्श केल्यावर बसतो वीजेचा झटका ?
दिसायला अतिशय विचित्र असलेल्या या अळीच्या शरीरावरील बाहेर आलेल्या भागांखाली लहान, पोकळ काटे लपलेले असतात. एखाद्या माणसाने किंवा शिकारी प्राण्याने त्याला स्पर्श केल्यास हे काटे त्वचेत रुतून विषारी पदार्थ सोडू शकतात. त्यामुळे मधमाशीने डंख मारल्यासारखी किंवा विजेचा सौम्य झटका बसल्यासारखी वेदना होते तसेच तीव्र जळजळ आणि सूज जाणवू शकते.
कमाल आहे संरक्षण यंत्रणा !
या कीटकाच्या शरीराची विचित्र रचना केवळ शत्रूला घाबरवण्यासाठी नसते, तर ती त्याच्या संरक्षणासाठीही उपयुक्त ठरते. शिकाऱ्याने हल्ला केल्यास शरीराचे स्टारफिशसारखे काही भाग सहज तुटून वेगळे होऊ शकतात. यामुळे शिकाऱ्याचे लक्ष विचलित होऊन अळीला स्वतःचा जीव वाचवण्याची संधी मिळते.
View this post on Instagram
दिसायला एखाद्या परग्रहावरील जीवासारखी वाटणारी ही अळी मोठी झाल्यावर तीचं साधारण तपकिरी रंगाच्या पतंगात रूपांतर होतं. त्याचं प्रौढ रूप पाहिलं तर, त्याचं सुरूवातीचं रुप किंवा अवस्था याची कल्पनाही करता येणार नाही. त्यामुळे झाडाझुडपांजवळ असा विचित्र, एलियनसारखा कीटक दिसल्यास त्याला हात लावण्याऐवजी सुरक्षित अंतरावरूनच त्याचा फोटोत्र काढा. चुकूनही त्याला हाचत लावण्यची किंवा स्पर्श करण्याची चूक करू नका !
