#IPLMegaAuction2022 : राजस्थानने अश्विनला खरेदी केले, सोशल मीडियावर मीम्सचा पाऊस, सेहवागने देखील घेतली फिरकी

अश्विनला राजस्थान रॉयल्सने (Rajasthan Royals) पाच कोटी रुपये देऊन खरेदी केली आहे. आर. अश्विन यापूर्वी चेन्नई सुपर किंग्स, पंजाब किंग्स आणि दिल्लीच्या संघात खेळला आहे. यावेळी मात्र तो राजस्थान रॉयल्सकडून खेळताना दिसून येणार आहे. अश्विन राजस्थान रॉयल्सकडून खेळणार असल्याचे समजताच सोशल मीडियावर मीम्सचा पाऊस पडत आहे.

Ajay Deshpande | Updated on: Feb 12, 2022 | 8:12 PM

आयपीएलची (IPL 2022) आतापासूनच चहाते वाट पाहत आहेत. आयपीएलच्या 15 व्या हंगामाला एप्रिल महिन्यात सुरुवात होणार आहे. यंदाच्या आयपीएलमध्ये एकूण दहा टीम सहभागी होणार असून, 15 व्या हंगामात एकूण 74 मॅच खेळल्या जाणार आहेत. आयपीएलच्या 15 व्या हंगामासाठी खेळाडूंच्या लिलावाला सुरुवात झाली आहे. या लिलावामध्ये टॉपच्या खेळाडूंची कोट्यावधी रुपये देऊन खरेदी करण्यात येत असल्याचे पहायला मिळत आहे. या खेळांडूमध्ये भारताचा स्टार गोलंदाज आर अश्विन (R. Ashwin) याचा देखील समावेश आहे. अश्विनला राजस्थान रॉयल्सने (Rajasthan Royals) पाच कोटी रुपये देऊन खरेदी केली आहे. आर. अश्विन यापूर्वी चेन्नई सुपर किंग्स, पंजाब किंग्स आणि दिल्लीच्या संघात खेळला आहे. यावेळी मात्र तो राजस्थान रॉयल्सकडून खेळताना दिसून येणार आहे. अश्विन राजस्थान रॉयल्सकडून खेळणार असल्याचे समजताच सोशल मीडियावर मीम्सचा पाऊस पडत आहे. सेहवागने देखील अश्विनची चांगली फीरकी घेतली आहे.

काय म्हणाला सेहवाग?

यावेळी आर अश्विन आणि इंग्लडचा विकेटकिपर जोस बटलर हे दोघे एकाच संघात असणार आहेत. यावरून सेहवागने मजेदार मीम्स शेअर केले आहे. सेहवागने अश्वीनची फीरकी घेताना जोस बटलर याने अश्विनला मांकड पद्धतीने आऊट केले होते. तो किस्सा सेहवागने शेअर केला आहे. ट्विटरवर शेअर केलेल्या या फोटोला विरेंद्र सेहवाग याने एक मजेदार कॅप्शन देखील दिले आहे. आर अश्विन आता राजस्थान रॉयल्सकडून खेळणार आहे. आता त्याच्यासोबत जोस बटलर देखील असणार असे कॅप्शन त्याने दिले आहेत. पाहुयात काही निवडक मीम्स.