आयआयटीत शिक्षण, तरीही भीक मागण्याची वेळ, मध्यप्रदेशच्या आजोबाची चटका लावणारी कहाणी

भोपाळ : वेळेपेक्षा मोठं कुणीचं नाही, असं म्हणतात ते खरं आहे. वेळ कधी कुणावर कशी येईल याचा कधीच अंदाज लावता येणार नाही. मध्यप्रदेशमध्ये अशाचप्रकारची एक घटना समोर आली आहे. आयआयटीचं शिक्षण घेतलेल्या एका आजोबांना रस्त्यांवर भीक मागावी लागत आहे. आजोबांची मनाला चटका लाऊन जाणारी ही कहानी सोशल मीडियावर सध्या व्हायरल होत आहे (story of 90 year old IITian who beg in Madhya Pradesh).

‘टाईम्स ऑफ इंडिया’च्या वृत्तानुसार, मध्यप्रदेशच्या ग्वालियर शहरात 90 वर्षांच्या एका आजोबांवर आयआयटीचं शिक्षण असून भीक मागण्याची वेळ आली आहे. या आजोबांचं नाव सुरेंद्र वशिष्ट असं आहे. ते दररोज बस स्टँडवर बसून भीक मागतात. सुरेंद्र यांच्याबाबतची माहिती सोशल मीडियावर व्हायरल झाल्यानंतर स्वर्ग सदन या आश्रमने मदतीचा हात पुढे केला आहे.

स्वर्ग सदन हे तेच आश्रम आहे ज्याने काही दिवसांपूर्वी मनीश मिश्रा नावाच्या व्यक्तीला मदत केली होती. मनीश आधी पोलिसात होते. मात्र, उतार वयात त्यांच्यावर भीक मागण्याची वेळ आली. त्यांच्या एका बॅचमेटने त्यांना ओळखलं. त्यानंतर स्वर्ग सदन आश्रमने त्यांना आसरा दिला (story of 90 year old IITian who beg in Madhya Pradesh).

स्वर्ग सदन आश्रमचे सदस्य विकास गोस्वामी यांनी सुरेंद्र वशिष्ट यांच्याविषयी माहिती सांगितली. “सुरेंद्र वशिष्ट यांची इंग्रजी ऐकूण मला धक्काच बसला. त्यांच्यासोबत बातचित केल्यावर माहित पडलं की, त्यांनी आयआयटीचं शिक्षण घेतलं आहे. त्यांनी 1969 साली आयआयटी कानपूर येथून मॅकेनिकल इंजीनिअरिंगचं शिक्षण घेतलं होतं. त्यानंतर 1972 साली लखनऊ येथे ‘लॉ’ची मास्टर डिग्री घेतली. सुरेंद्र यांचे वडील जेसी मिलमध्ये सप्लायर म्हणून काम करायचे, अशी देखील त्यांनी माहिती दिली”, असं विकास गोस्वामी यांनी सांगितलं.

हेही वाचा : ‘बिनोद’चा ट्विटरवर पहिला नंबर, या वर्षी ठरला मीम्सचा बादशाहा