VIDEO | अस्वलाला कॅमेरा सापडला आणि त्याने त्याच्यासोबत जे केलं ते पाहून नेटकरी आवाक
सोशल मीडियावर प्राण्यांचे बरेच व्हिडिओ आहेत. त्यांनाही नवीन गोष्टी जाणून घेण्याची उत्सुकता असते. सध्या असाच एक मजेदार व्हिडिओ सोशल मीडियावर चर्चेचा विषय ठरतो आहे. वास्तविक हा व्हिडिओ अस्वलाचा आहे, ज्यामध्ये अस्वलाला कोणाचा हरवलेला कॅमेरा सापडतो. कॅमेरा पाहिल्यानंतर तो समजून घेण्याचा आणि जाणून घेण्याचा प्रयत्न करतो.
मुंबई : सोशल मीडियावर प्राण्यांचे बरेच व्हिडिओ आहेत. त्यांनाही नवीन गोष्टी जाणून घेण्याची उत्सुकता असते. सध्या असाच एक मजेदार व्हिडिओ सोशल मीडियावर चर्चेचा विषय ठरतो आहे. वास्तविक हा व्हिडिओ अस्वलाचा आहे, ज्यामध्ये अस्वलाला कोणाचा हरवलेला कॅमेरा सापडतो. कॅमेरा पाहिल्यानंतर तो समजून घेण्याचा आणि जाणून घेण्याचा प्रयत्न करतो. एवढेच नाही तर तो स्वतः कॅमेराचे बटण चालू करतो आणि व्हिडिओ बनवतो. सोशल मीडिया वापरकर्त्यांना अस्वलाचा हा व्हिडिओ अतिशय मजेदार आणि मनोरंजक वाटतो, त्याचप्रमाणे अस्वलाचे वर्तन पाहून बहुतेक लोक आश्चर्यचकित झाले आहेत.
व्हायरल होणारा हा व्हिडिओ सोशल मीडिया प्लॅटफॉर्म ट्विटर अकाऊंटवर शेअर करण्यात आला आहे. हा व्हिडिओ @NE0NGENESIS नावाच्या वापरकर्त्याने अपलोड केला आहे. व्हिडिओ शेअर करताना अॅडमिनने कॅप्शनमध्ये लिहिले, ‘मित्रांनो, अस्वलला एक गो प्रो मिळाला आणि त्याने त्याला सुरु केले.’ हा व्हिडिओ आतापर्यंत एक दशलक्षाहून अधिक वेळा पाहिला गेला आहे. तसेच, सोशल मीडिया वापरकर्ते व्हिडीओवर लाईक्स आणि कमेंट्सचा पाऊस पडत आहे.
या व्हिडीओमध्ये पाहिले जाऊ शकते की अस्वल बर्फावर पडलेल्या कॅमेऱ्याला वारंवार हात आणि तोंडाने पुन्हा पुन्हा स्पर्श करुन पाहत आहे. हे पाहिल्यानंतर, असा अंदाज लावला जाऊ शकतो की कदाचित हे अस्वल हे समजून घेण्याचा प्रयत्न करत आहे की ही वस्तू नेमकी काय आहे? या दरम्यान, कॅमेरा चुकून चालू होतो आणि कॅमेराचे रेकॉर्डिंग देखील सुरु होते. त्यानंतर त्याच्या कृती कॅमेऱ्यात कैद झाल्या आणि सोशल मीडियावर व्हायरल झाल्या. हे अस्वल इतके लोकप्रिय झाले आहे की लोक ते त्यांच्या सोशल मीडिया प्लॅटफॉर्मवर देखील शेअर करत आहेत.
हा कॅमेरा एका व्यक्तीने शोधला होता. कॅमेऱ्यातील हा व्हिडिओ पाहिल्यानंतर त्या व्यक्तीने आपला अनुभव शेअर केला आणि लिहिले, ‘हा GoPro बराच वेळ बर्फात पडून होता. शेवटी मला तो मिळाले, म्हणून मी तो चार्ज केला आणि मी जे पाहिले त्यावर विश्वास बसत नव्हता. हा कॅमेरा चार महिने तिथे पडून राहिल्यावर एका मोठ्या काळ्या अस्वलाला तो सापडला आणि त्याला चालू करण्यात तो फक्त यशस्वीच झाला नाही तर त्याच्यासोबत खेळताना स्वतःला रेकॉर्ड करायलाही त्याने सुरुवात केली. एका वापरकर्त्याने कमेंटमध्ये लिहिले की ‘अस्वल कधीपासून इतका स्मार्ट झाला आहे’.
संबंधित बातम्या :
