फूटपाथवर बेशुद्ध पडलेल्या कुत्र्याला कसं वाचवलं? Emotional video Viral, नेटकरी भावुक

एक व्हिडिओ मोठ्या प्रमाणात व्हायरल होत आहे. व्हायरल (Viral) होत असलेल्या व्हिडिओमध्ये, एक माणूस फुटपाथ(Footpath)वर बेशुद्ध पडलेल्या कुत्र्याचा जीव वाचवताना दिसत आहे. ही व्यक्ती डॉगीला आपलंच मूल असल्याप्रमाणं वाचवण्याचा प्रयत्न करत आहे. हा व्हिडिओ कॅलिफोर्नियातल्या लॉस एंजेलिस इथला आहे.

बेशुद्ध कुत्र्याला सीपीआर देताना व्यक्ती

Pradeep Garad | Updated on: Jan 31, 2022 | 4:54 PM

Man gives CPR to dog : सोशल मीडियात रोज काही ना काही व्हिडिओ व्हायरल होत असतात. यातील काही व्हिडिओ हसवणारे आहेत, तर काही भावुक (Emotional) व्हिडिओ आहेत. याच प्रकारामधला मायक्रो-ब्लॉगिंग साइट ट्विटरवर डॉगीचा एक व्हिडिओ मोठ्या प्रमाणात व्हायरल होत आहे, जो कोणालाही भावुक करू शकतो. व्हायरल (Viral) होत असलेल्या व्हिडिओमध्ये, एक माणूस फुटपाथ(Footpath)वर बेशुद्ध पडलेल्या कुत्र्याचा जीव वाचवताना दिसत आहे. ही व्यक्ती डॉगीला आपलंच मूल असल्याप्रमाणं वाचवण्याचा प्रयत्न करत आहे. हा अतिशय भावुक व्हिडिओ कॅलिफोर्नियातल्या लॉस एंजेलिस इथला आहे. अचानक पार्कच्या बाहेर एक कुत्रा बेशुद्ध पडला. त्यानंतर तिथं असलेल्या माणसानं माणुसकी दाखवत त्या कुत्र्याला वाचवलं. नेटकरी या कृत्याचं कौतुक करत आहेत.

भावनिक व्हिडिओ

अवघ्या 46 सेकंदांचा हा व्हिडिओ पाहिल्यानंतर तुम्हीही भावनिक व्हाल. व्हिडिओमध्ये तुम्ही पाहू शकता, की एक माणूस फूटपाथवर पडलेल्या कुत्र्याचा जीव वाचवण्याचा प्रयत्न करत आहे. कुत्रा पूर्णपणे असहाय्य आहे. तो माणूस सतत त्याला CPR (आपत्कालीन परिस्थितीत वापरली जाणारी वैद्यकीय प्रक्रिया, जी जीव वाचवू शकते) देऊन पुन्हा जिवंत करण्याचा प्रयत्न करत आहे. सीपीआर देऊनही कुत्रा शुद्धीवर येत नाही, तेव्हा ती व्यक्ती तोंडात श्वास देऊन त्याला जिवंत करण्याचा प्रयत्न करते. हा माणूस आपल्या मुलाप्रमाणं डॉगीला वाचवण्याचा प्रयत्न करताना दिसत आहे.

ट्विटरवर शेअर

Goodable नावाच्या अकाऊंटवरून हा अतिशय भावुक व्हिडिओ ट्विटरवर शेअर करण्यात आला आहे. यूझरनं कॅप्शनमध्ये लिहिलंय, की हा माणूस बाहेर फिरायला गेला होता. त्याला फूटपाथवर एक कुत्रा बेशुद्ध पडलेला दिसला. यानंतर तो त्याच्याकडे धावला आणि सीपीआर देऊन कुत्र्याचा जीव वाचवला.

This man was out for a walk when he noticed a dog had collapsed on the sidewalk. He ran up, performed CPR, and saved the dog’s life.#Humanity ❤️? pic.twitter.com/tCKkyzKwNe

— Goodable (@Goodable) January 29, 2022

यूट्यूबवरून शिकला सीपीआर

कुत्र्याचा जीव वाचवणाऱ्या व्यक्तीनं यूट्यूबवरून सीपीआर द्यायला शिकल्याचं सांगितलं. हे तंत्र त्यानं पहिल्यांदा डॉगीवर वापरलं. हा व्हिडिओ पाहिल्यानंतर प्रत्येकजण या व्यक्तीची स्तुती करताना दिसून येत आहे. मात्र, काही यूझर्सनी कुत्र्यांना मालकांकडून केल्या जाणाऱ्या क्रूर वागणुकीवरही प्रश्न उपस्थित केले आहेत. कुत्र्यांना सायकलमध्ये साखळदंडाने बांधणं हाही एक प्रकारचा क्रूरपणा असल्याचं लोकांचं म्हणणं आहे.