पाकिस्तानच्या मालिकेची भारतात प्रचंड क्रेझ, ‘मेरी जिंदगी है तू’चा 32 व्या भागाबाबत मोठी अपडेट समोर

Meri Zindagi Hai Tu Episode 32 : पाकिस्तानी रोमँटिक ड्रामा ‘मेरी ज़िंदगी है तू’ ही मालिका सध्या प्रचंड चर्चेत आहे. हानिया आमिर आणि बिलाल अब्बास खान यांच्या प्रमुख भूमिका असलेल्या या मालिकेचा एपिसोड 32 प्रदर्शित होणार होता; मात्र तो प्रसारित न झाल्याने चाहत्यांमध्ये प्रचंड निराशा पसरली आहे.

मालिकेची कथा आता अंतिम टप्प्याकडे पोहोचली आहे. आयरा आणि कामयार यांच्या आयुष्यात नवे वळण येत असून पुढील भागांमध्ये मोठा ट्विस्ट पाहायला मिळणार असल्याचे संकेत निर्मात्यांनी दिले आहेत. त्यामुळे प्रेक्षकांमध्ये उत्सुकता अधिकच वाढली आहे. भारत आणि पाकिस्तान या दोन्ही देशांमध्ये ही मालिका ट्रेंड होत असून मुख्य कलाकारांमधील जबरदस्त केमिस्ट्री आणि भावनिक कथानक हेच तिच्या लोकप्रियतेचे प्रमुख कारण मानले जाते.

एपिसोड 32 का प्रदर्शित झाला नाही?

रिपोर्ट्सनुसार, एपिसोड 32 हा पाकिस्तानमध्ये ARY Digital च्या अधिकृत यूट्यूब चॅनेलवर प्रदर्शित होणार होता. नेहमीप्रमाणे हा भाग भारतात रात्री सुमारे 11:30 वाजेपर्यंत (IST) ऑनलाइन उपलब्ध होईल अशी अपेक्षा होती. मात्र चाहत्यांनी उशिरापर्यंत वाट पाहूनही नवीन भाग प्रसारित झाला नाही.

माहितीनुसार, रमजान महिन्यामुळे मालिकेच्या वेळापत्रकात बदल करण्यात आला आहे. आता ही मालिका आठवड्यातून एकदाच प्रत्येक शनिवारी प्रसारित होते. पाकिस्तानमध्ये याची नवीन वेळ रात्री 10:30 अशी निश्चित करण्यात आली आहे.

भारतात एपिसोड 32 कधी येणार?

नवीन भाग दाखवण्याऐवजी पाकिस्तानमध्ये एपिसोड 31 पुन्हा प्रसारित करण्यात आल्याचे सांगितले जाते. या निर्णयामुळे चाहते नाराज झाले आहेत. आधीच आठवड्यातून एकच भाग पाहण्याची सवय लावून घेतलेल्या प्रेक्षकांना नवीन भाग न मिळाल्याने सोशल मीडियावर संताप व्यक्त केला जात आहे.

एपिसोड 32 भारतात 28 फेब्रुवारी 2026 रोजी प्रदर्शित होईल अशी अपेक्षा होती. मात्र ताज्या माहितीनुसार, हा भाग या आठवड्यातही प्रदर्शित होणार नाही. त्यामुळे प्रेक्षकांना पुढील शनिवारीपर्यंत प्रतीक्षा करावी लागणार आहे.

आगामी भाग कथेला थेट फिनालेकडे नेणारा ठरणार आहे. यात कामयार आयराला माफ करणार का याचा उलगडा होणार असल्याने प्रेक्षकांची उत्सुकता शिगेला पोहोचली आहे.