आरबीआयने आणखी एका सहकारी बँकेला ठोठावला 79 लाख रुपयांचा दंड, जाणून घ्या काय आहे कारण

रिझर्व्ह बँकेने म्हटले आहे की, कोलकातास्थित व्हिलेज फायनान्शियल सर्व्हिसेसना नो युवर कस्टमर (KYC) नियमांच्या काही तरतुदींचे पालन न केल्याबद्दल 5 लाख रुपयांचा दंड ठोठावण्यात आला आहे.

आरबीआयने आणखी एका सहकारी बँकेला ठोठावला 79 लाख रुपयांचा दंड, जाणून घ्या काय आहे कारण
आरबीआयने आणखी एका सहकारी बँकेला ठोठावला 79 लाख रुपयांचा दंड

नवी दिल्ली : रिझर्व्ह बँक ऑफ इंडियाने (RBI) मुंबईतील अपना सहकारी बँक(Apna Sahakari Bank) 79 लाख रुपयांचा दंड ठोठावला आहे. नॉन-परफॉर्मिंग अॅसेट्स (NPA) वर्गीकरणासह काही सूचनांचे पालन न केल्याबद्दल अपना सहकारी बँकेवर दंडात्मक(Penalty) कारवाई करण्यात आली आहे. आरबीआयने म्हटले आहे की बँकेच्या वैधानिक तपासणीवरून असे दिसून येते की त्याने एनपीए वर्गीकरण, मृतांच्या चालू खात्यातील रकमेवर व्याज भरणे किंवा दाव्यांची पूर्तता न करणे आणि बचतीवरील किमान शिल्लक न ठेवल्याने लागणारे शुल्क आदि नियमांचे पालन केले गेले नाही. त्यामुळे बँकेला दंड ठोठावण्यात आला आहे. (RBI fines apna sahakari co-operative bank Rs 79 lakh)

आरबीआयने बँकेला कारणे दाखवा नोटीस पाठवली होती

अपना सहकारी बँकेची आर्थिक स्थिती 31 मार्च 2019 रोजी वैधानिक तपासणी करण्यात आली होती. अपना सहकारी बँकेला प्रथम नोटीस पाठवण्यात आली होती. सूचनांनुसार दंड का आकारला गेला नाही, अशी विचारणा करण्यात आली. आरबीआयच्या निर्देशांचे उल्लंघन केल्याबद्दल त्याच्यावर दंड का लावला जाऊ नये, याची कारण दाखवण्यास नोटीसने सांगितले.

बँकेच्या ग्राहकांवर कारवाईचा काय परिणाम होईल

नोटीसनंतर बँकेचा जबाब अतिरिक्त सबमिशन आणि वैयक्तिक सुनावणी दरम्यान तोंडी सबमिशन विचारात घेतल्यानंतर हा दंड आकारण्यात आला आहे. मात्र, नियामक अनुपालनाअभावी दंड आकारण्यात आल्याचे आरबीआयने म्हटले आहे. बँकेने ग्राहकांसोबत केलेल्या कोणत्याही व्यवहाराची किंवा कराराची वैधता राखणे हा त्याचा हेतू आहे.

रिझर्व्ह बँकेने यांनाही ठोठावला दंड

रिझर्व्ह बँकेने म्हटले आहे की, कोलकातास्थित व्हिलेज फायनान्शियल सर्व्हिसेसना नो युवर कस्टमर (KYC) नियमांच्या काही तरतुदींचे पालन न केल्याबद्दल 5 लाख रुपयांचा दंड ठोठावण्यात आला आहे. अहमदनगर मर्चंट को-ऑपरेटिव्ह बँकेवर 13 लाख रुपये, अहमदाबादच्या महिला विकास सहकारी बँकेवर 2 लाख रुपये दंडही लावण्यात आल्याचे केंद्रीय बँकेने म्हटले आहे. (RBI fines apna sahakari co-operative bank Rs 79 lakh)

इतर बातम्या

तिनं असं काय केलं की 10 वर्षात तिची 35 कोटीची बचत झाली? वाचा याबाबत सविस्तर

अंबरनाथमध्ये हॉटेल चालकाचं शरमेने मान खाली घालवणारं कृत्य, दुसऱ्यांदा वीजचोरी, गुन्हा दाखल

Read Full Article

Click on your DTH Provider to Add TV9 MARATHI