अभिजीत दीपकेंनी नागपूर पोलिसांकडून सुरक्षा नाकारली, अचानक… मोठं कारण समोर

सीजेपीचे संस्थापक अभिजीत दीपके यांनी नागपूर पोलिसांची सुरक्षा नाकारल्याची महत्त्वाची माहिती समोर आली आहे. सामान्यतः, अभिजीत दीपके नागपूर दौऱ्यावर असताना त्यांना पोलिसांकडून विशेष सुरक्षा पुरवली जाते, ज्यात एस्कॉर्ट वाहनाचाही समावेश असतो. मात्र, यावेळी त्यांनी ही सुरक्षा स्वीकारली नाही. सध्या त्यांच्यासोबत केवळ एक गणमॅन तैनात करण्यात आला आहे, तर इतर विशेष पोलीस सुरक्षा दलाला त्यांनी नाकारले आहे.

अभिजीत दीपके यांनी सुरक्षा का नाकारली, याचे नेमके कारण अद्याप स्पष्ट झालेले नाही. अभिजीत दीपके काल रात्री नागपुरात दाखल झाले असून, आज ते दीक्षाभूमीला जाऊन भारतरत्न डॉ. बाबासाहेब आंबेडकर यांना अभिवादन करणार आहेत. त्यानंतर ते दिल्लीसाठी रवाना होतील. या संपूर्ण प्रवासात त्यांनी नागपूर पोलिसांची सुरक्षा नाकारली असल्याचे वृत्त आहे.