संजय राऊत यांच्यावर अदखलपात्र गुन्हा दाखल; कारण काय? पाहा…

औरंगाबाद : खासदार संजय राऊत यांनी मुख्यमंत्री एकनाथ शिंदे यांच्यावर आक्षेपार्ह भाषेत टीका केली होती. त्याच्या या विधानाचा शिंदेगटाकडून निषेध करण्यात आला आहे. शिवसेनेचे तालुकाप्रमुख राजेंद्र जंजाळ यांच्या नेतृत्वाखाली 30 ते 35 जणांनी राऊतांच्या वक्तव्याचा निषेध केला. जवाहरनगर पोलिस ठाण्याबाहेर जोरदार घोषणाबाजी करून गुन्हा दाखल करण्याची मागणी त्यांनी केली. त्यावरून जवाहरनगर पोलिसांनी अदखलपात्र गुन्ह्याची नोंद केली. पोलिस निरीक्षक गीता बागवडे यांनी त्यांचा अर्ज स्वीकारत गुन्हा नोंद करण्याचे आश्वासन दिलं.