Babasaheb Patil : ‘तुमच्यासाठी बँका खाली करू’, बाबासाहेब पाटील पुन्हा असं काही बोलले की चर्चा सुरू अन् नंतर केली सारवासारव

सहकार मंत्री बाबासाहेब पाटलांनी नांदेड येथे राष्ट्रवादी काँग्रेसच्या कार्यकर्त्यांना संबोधित करताना केलेल्या एका वक्तव्यामुळे गोंधळ निर्माण झाला, परंतु त्यांनी त्वरित सारवासारव करत आपले म्हणणे स्पष्ट केले. सुरुवातीला, निवडणुकीत उभे राहणाऱ्या कार्यकर्त्यांना उद्देशून “तुमच्यासाठी बँका खाली करून टाकू” असे विधान पाटलांनी केले. या वक्तव्यावर उपस्थितांमध्ये हास्यकल्लोळ झाला. त्यानंतर लगेच, बाबासाहेब पाटलांनी आपल्या वक्तव्याचे स्पष्टीकरण दिले.

“विकासासाठी बँका खाली करू” असे सांगत, त्यांनी आपले मूळ उद्दिष्ट विकास कामांसाठी निधी उपलब्ध करणे असल्याचे सांगितले. पाटलांच्या म्हणण्यानुसार, “पूर्ण ताकतीने उभा राहिल्याबद्दल, आपल्या सर्वांचे सहकार मंत्री बाबासाहेब पाटील आहेत. बँका खाली करून टाकू मग तुमच्यासाठी. असं म्हणायची वेळ नाही आली पाहिजे. विकासासाठी बँका… विकास केला पाहिजे.” हे विधान राष्ट्रवादीच्या कार्यकर्त्यांना मार्गदर्शन करताना करण्यात आले होते. या स्पष्टीकरणामुळे त्यांच्या वक्तव्यामागील विकासभिमुख हेतू अधिक स्पष्ट झाला आहे.