आमदार बच्चू कडूंचं थरारक वॉटरफॉल रॅपलिंग, तब्बल 300 फूट उंचावरून… पहा व्हिडीओ

पुणे जिल्ह्यातील प्रसिद्ध लिंग्या धबधब्यावर आमदार बच्चू कडू यांनी नुकतेच थरारक वॉटरफॉल रॅपलिंग केले आहे. 300 फूट उंच धबधब्याच्या प्रवाहातून दोरीच्या सहाय्याने उतरण्याचा हा अनुभव त्यांनी घेतला. प्रशिक्षित तज्ज्ञांच्या मार्गदर्शनाखाली आणि सर्व सुरक्षा साधनांचा वापर करून बच्चू कडू यांनी हा साहसी पराक्रम यशस्वीरित्या पूर्ण केला. धबधब्याच्या एका बाजूला पाण्याचा जोरदार प्रवाह सुरू असताना, दुसऱ्या बाजूने बच्चू कडू यांनी हे वॉटरफॉल रॅपलिंग केले. दरम्यान, जालना जिल्ह्यातील वडीगोद्री येथून एक महत्त्वाची बातमी समोर येत आहे.

अंतरवली येथे मराठा आंदोलक मनोज जरांगे पाटील यांनी मराठा आंदोलकांची एक महत्त्वाची बैठक बोलावली आहे. या बैठकीच्या पार्श्वभूमीवर वडीगोद्री येथे पोलिसांकडून कडक बंदोबस्त ठेवण्यात आला आहे. अंतरवलीकडे जाणाऱ्या वाहनांना प्रवेशबंदी करण्यात आली असून, परिसरात वाहनांची गर्दी होऊ नये यासाठी हा निर्णय घेण्यात आला आहे. दुपारी 12 वाजता ही बैठक नियोजित असली तरी, त्यापूर्वीच पोलिसांनी बॅरिकेड्स लावून सुरक्षेची खबरदारी घेतली आहे.