Ajit Pawar Death Updates : अजित पवारांसह क्रू मेंबर पिंकी माळी यांचा विमान अपघातात अंत

बारामती येथील विमान अपघातात राष्ट्रवादी काँग्रेसचे ज्येष्ठ नेते अजित पवार यांचे निधन झाले आहे. या दुःखद घटनेत त्यांच्यासोबत असलेल्या केबिन क्रू पिंकी माळी आणि मुंबई पोलिसातील विदिश जाधव यांचाही मृत्यू झाला आहे. पहाटे सहा वाजता बारामतीमध्ये झालेल्या या अपघातामुळे महाराष्ट्राच्या राजकारणात मोठी पोकळी निर्माण झाली आहे.

अजित पवार हे प्रचारासाठी बारामतीला जात असताना हा अपघात झाल्याची माहिती आहे. त्यांच्या निधनाचे वृत्त समजताच पुणे जिल्हा ग्रामीण पोलीस अधीक्षक संदीप गिल यांनी घटनास्थळी पाहणी केली. अजित पवारांचे पार्थिव ज्या रुग्णालयात ठेवण्यात आले आहे, त्या बाहेर कार्यकर्त्यांनी मोठी गर्दी केली आहे. त्यांना “दादा” म्हणून संबोधणारे कार्यकर्ते शोकसागरात बुडाले आहेत. रुपाली चाकणकर यांच्यासारख्या अनेक नेत्यांनीही घटनास्थळी धाव घेतली आहे. या अपघाताने राज्यभरातून हळहळ व्यक्त होत आहे.