BJP Urdu Pamphlets : जनाब फडणवीस… भाजपचे उर्दूत पोस्टर अन् राजकीय वादंगाला तोंड, दानवेंनी मुख्यमंत्र्यांना डिवचलं

उरण नगर परिषद निवडणुकीत भाजप उमेदवारांनी प्रचारासाठी उर्दूमध्ये पत्रकं छापल्याने नवा राजकीय वाद सुरू झाला आहे. या पत्रकांमध्ये भाजपला मतदान करण्याचे आवाहन उर्दू भाषेत करण्यात आले आहे. या घटनेनंतर ठाकरे गटाच्या शिवसेनेने भाजपला लक्ष्य केले आहे. अंबादास दानवे यांनी देवेंद्र फडणवीस यांच्यावर निशाणा साधत “जनाब फडणवीस” असे संबोधले. दानवे यांनी भाजपच्या दुहेरी भूमिकेवर टीका केली. एका बाजूला मुस्लिमांना लक्ष्य करायचे आणि दुसरीकडे त्यांच्या मतांसाठी उर्दू पत्रकं छापायची, हे भाजपचे कट्टर हिंदुत्व आहे का, असा सवाल त्यांनी उपस्थित केला. मंत्री आशिष शेलार यांनी मात्र, स्थानिक उमेदवाराला आपल्या भाषेत प्रचार करण्याचा अधिकार असल्याचे सांगत या कृतीचे समर्थन केले. उरणमध्ये भाजप, शिंदे गट शिवसेना आणि राष्ट्रवादी (मविआ) यांच्यात तिरंगी लढत होत आहे.