“शरद पवार म्हणाले, आमच्याकडे माजी मुख्यमंत्री अन् दिग्गज नेते, ते रिक्षावाल्याच्या हाताखाली काम करणार का?”

छत्रपती संभाजीनगर : काल महाविकास आघाडीची वज्रमूठ सभा छत्रपती संभाजीनगरमध्ये झाली. यावेळी ठाकरेगटाचे नेते, खासदार अरविंद सावंत यांनी मोठा खुलासा केला आहे. “आम्ही महाविकास आघाडीचा प्रयोग केला त्यावेळेस शरद पवार म्हणाले काँग्रेसकडे दोन मुख्यमंत्री आहेत. आमच्याकडे दिग्गज नेते आहेत. ते या रिक्षावाल्याच्या खाली काम करणार आहेत का? मग शरद पवार साहेबांनी सांगितलं की उद्धवजी हे शिवधनुष्य तुम्हाला उचलायला लागेल. मग उद्धवजींनीही पवारांच्या शब्दाला मान दिला आणि ते महाराष्ट्राचे मुख्यमंत्री झाले, असं अरविंद सावंत म्हणालेत.