‘हम तो ऐसे बदनाम है की बदनामी…’, गुलाबराव पाटलांचा शेरोशायरीतून विरोधकांवर निशाणा

जळगावात मंत्री गुलाबराव पाटील यांनी विरोधकांवर शेरोशायरीतून निशाणा साधला आहे. विरोधक आपल्याला बदनाम करण्याचा प्रयत्न करत आहेत. मात्र विरोधकांना माझा इशारा आहे, बदनाम तो वो होते है जो बदनामी से डरते है… मगर हम तो ऐसे बदनाम है की बदनामी हमसे डरती है.. असं म्हणत गुलाबराव पाटील यांनी विरोधकांना शेरोशायरीच्या माध्यमातून खोचक टोला लगावला. पुढे ते असेही म्हणाले, प्रमोद महाजन भाषणात नेहमी म्हणायचे.. हवा कितनी भी तेज हुई… टायर मे हवा नही भरी जा सकती… उसके लिये नोजल पंप की जरुरत होती है. त्यामुळे आपली हवा आहे. पण नोझल पंप तुम्ही आहात. नाही तर..बिनधास्त राहाल..झोपून जाल अस काम करू नका…, असं आवाहन गुलाबराव पाटील यांनी कार्यकर्त्यांसह जनतेला केलं. काही काही लोकं म्हटले की गुलाबराव पाटील यांची हवा संपली. पण ही जी गर्दी आहे हेच माझे टॉनिक आहे. मी 59 महिने तुमच्या करिता काम केलं.. तुम्ही फक्त 1 महिना माझ्यासाठी काम करा.. एवढीच विनंती मी तुम्हाला करतो..असं गुलाबराव पाटील यांनी कार्यकर्त्यांना म्हटलं.