Dahisar : मतदार सापडू दे… मनसे कार्यकर्त्यांकडून थेट विहिरीत उतरून शोध, दुबार मतदारांवरून अनोखं आंदोलन
दहिसर विधानसभा मतदारसंघात एका मतदाराचे नाव चक्क दोन वेळा मतदार यादीत आढळल्याने खळबळ उडाली आहे. महाराष्ट्र नवनिर्माण सेनेच्या (मनसे) कार्यकर्त्यांनी या प्रकाराचा निषेध करत, बोरिवली पश्चिम येथील एका बावडीत (विहिरीत) उतरून मतदाराचा शोध घेतला. त्यांनी विशेष पूजा करून आणि नारळ अर्पण करून प्रशासनाला या गंभीर त्रुटीकडे लक्ष वेधले.
दहिसर विधानसभा मतदारसंघातून समोर आलेल्या एका धक्कादायक घटनेनुसार, एका मतदाराचे नाव मतदार यादीत चक्क दोन वेळा नोंदवले गेले आहे. या गंभीर त्रुटीवर प्रकाश टाकण्यासाठी महाराष्ट्र नवनिर्माण सेनेच्या (मनसे) कार्यकर्त्यांनी अनोखे आंदोलन केले. बोरिवली पश्चिम येथील शिवाजी नगर भागातील ‘छोटी बावडी’ नावाच्या एका विहिरीमध्ये उतरून मनसे कार्यकर्त्यांनी दुबार नाव असलेल्या मतदाराचा शोध घेण्याचा प्रयत्न केला.
मनसे कार्यकर्त्यांनी या विहिरीच्या ठिकाणी विशेष पूजा केली आणि बावडीला नारळ अर्पण करत, मतदार लवकर सापडावा अशी हाक दिली. मतदाराचा पत्ता बोरिवली पश्चिम, शिवाजी नगर, छोटी बावडी असा असल्याने, कार्यकर्त्यांनी याच विहिरीत उतरून मतदाराला आवाज दिला. मतदार यादीतील ही अनियमितता निवडणूक आयोगाच्या कार्यपद्धतीवर प्रश्नचिन्ह निर्माण करणारी आहे.
अशा प्रकारामुळे मतदानाच्या प्रक्रियेत पारदर्शकतेचा अभाव निर्माण होऊ शकतो, असे मतदारांचे म्हणणे आहे. या घटनेमुळे दहिसर विधानसभा मतदारसंघातील मतदार याद्यांची तपासणी करण्याची मागणी जोर धरू लागली आहे.
बहरीनमध्ये जय पवार यांची हळदी, बघा दिमाखदार सोहळ्याचे फोटो
पार्थ पवारांच्या कंपनीचा 42 कोटी भरण्यास नकार, बावनकुळेंनी ठणकावलं
रविंद्र चव्हाणांकडून समझोता, पण निलेश राणे तयार नाही!
महायुतीतील मतभेद दूर, आगामी निवडणुका एकत्र लढणार! बघा कोण काय म्हणालं?
