प्रायव्हेट पार्टवर मारलं, लाथा मारल्या… जंतर- मंतरवरील आंदोनलात मुलींचा पोलिसांवर आरोप

दिल्लीतील एका आंदोलनादरम्यान पोलीस बळाचा गैरवापर झाल्याचा आणि आंदोलकांना मारहाण केल्याचा गंभीर आरोप समोर आला आहे. एका महिला आंदोलकाने तिला पोलीस कॉन्स्टेबल चंचल यादवकडून झालेल्या अमानुष मारहाणीचा अनुभव कथन केला आहे. तिच्या म्हणण्यानुसार, डिटेन करण्यात आल्यानंतर बसमध्ये आणि त्यानंतर पोलीस ठाण्यात तिला आणि तिच्या साथीदार अथिराला शारीरिक अत्याचार सहन करावे लागले. आंदोलक तरुणीने सांगितले की, कॉन्स्टेबल चंचल यादवने तिला बसमध्ये गळा दाबून ढकलले, तोंडावर नखांनी ओरखडले आणि थप्पड मारली. तिच्या कानाला गंभीर दुखापत झाली, ज्यामुळे कानाचा रंग बदलला आणि इयररिंग आत अडकले.

तिच्या केसांनी ओढून तिला बसमध्ये ओढले गेले. त्यानंतर पोलीस ठाण्यात नेऊन तिला आणि अथिराला आणखी मारहाण करण्यात आली. अथिराला खासगी भागांवर लाथा मारण्यात आल्या, तर तरुणीला खोलीत बंद करून लाठ्याकाठ्या आणि मुक्कांनी मारले गेले, तसेच तिच्या पायांवरही दंड्यांनी मारहाण करण्यात आली. अथिराला या मारहाणीमुळे एका कानाने ऐकू येणे बंद झाले आहे. काँग्रेस नेते राहुल गांधी यांनी या तरुणीच्या धैर्याचे कौतुक केले असून, अशा घटनांची निंदा केली आहे. आंदोलकांनी पोलीस बळाचा सामना करत आपले धैर्य कायम ठेवल्याचे त्यांनी नमूद केले.