मोठी बातमी! देवेंद्र फडणवीसांची मोहन भागवतांशी भेट; चर्चांना उधाण

राजकीय वर्तुळातून एक महत्त्वाची बातमी समोर आली आहे. मुख्यमंत्री देवेंद्र फडणवीस यांनी नागपूरमधील राष्ट्रीय स्वयंसेवक संघाच्या (आरएसएस) मुख्यालयाला भेट दिली. या भेटीदरम्यान त्यांनी आरएसएसचे सरसंघचालक मोहन भागवत यांच्याशी चर्चा केली. देवेंद्र फडणवीस सध्या दोन दिवसांच्या नागपूर दौऱ्यावर आहेत. पदवीधर निवडणुकीच्या पार्श्वभूमीवर त्यांनी ही भेट घेतल्याचे सांगण्यात येत आहे. आरएसएस मुख्यालयात मुख्यमंत्री फडणवीस पोहोचल्यानंतर मोहन भागवत यांच्याशी त्यांची पंधरा मिनिटे चर्चा झाल्याची माहिती मिळाली आहे.

पदवीधर निवडणुकीच्या संदर्भात महत्त्वपूर्ण विषयांवर त्यांच्यात विचारमंथन झाले असावे, अशी शक्यता वर्तवली जात आहे. मुख्यमंत्र्यांच्या या दौऱ्यामुळे आणि सरसंघचालकांशी झालेल्या भेटीमुळे राजकीय वर्तुळात अनेक चर्चांना उधाण आले आहे. ही भेट केवळ सदिच्छा भेट होती की आगामी निवडणुकीच्या रणनीतीचा भाग होती, याबद्दल तर्कवितर्क लावले जात आहेत. मात्र, देवेंद्र फडणवीस आणि मोहन भागवत यांच्यातील या भेटीला राजकीयदृष्ट्या मोठे महत्त्व प्राप्त झाले आहे.