Sambhajinagar : ‘जवळ नाही आम्ही दूरच… माझा पक्ष उबाठा ते त्यांचा पक्ष पाहतील’, दिवाळी स्नेहमिलनात विरोधक शिरसाट अन् खैरे एकत्र

छत्रपती संभाजीनगर येथील व्यापारी महासंघाने आयोजित केलेल्या दिवाळी स्नेह मिलन कार्यक्रमात सर्वपक्षीय नेत्यांनी एकत्र येत एकतेचा संदेश दिला. पालकमंत्री संजय शिरसाट, ओबीसी कल्याण मंत्री अतुल सावे, खासदार कल्याण काळे, माजी विरोधी पक्षनेते अंबादास दानवे, आमदार प्रदीप जैसवाल आणि चंद्रकांत खैरे हे प्रमुख नेते या कार्यक्रमाला उपस्थित होते.

राजकीय मतभेद बाजूला ठेवून सर्व नेते एकाच मंचावर हसून-खेळून संवाद साधताना दिसले. संजय शिरसाट यांनी व्यासपीठावरून निघाल्यानंतर काय बोलू याचा भरोसा नसला तरी व्यासपीठावर एकत्र राहण्याची इच्छा व्यक्त केली. अतुल सावे यांनी हे राजकीय व्यासपीठ नसून शहराच्या विकासासाठी एकत्रित काम करण्याच्या गरजेवर भर दिला. कल्याण काळे आणि अंबादास दानवे यांनीही दिवाळीच्या शुभेच्छा देत, व्यापाऱ्यांचे प्रश्न आणि शहराचा विकास हेच मुख्य विषय असल्याचे अधोरेखित केले. या स्नेह मिलनातून राजकीय ध्रुवीकरण विसरून सलोखा साधण्याचा प्रयत्न करण्यात आला.