‘बाळासाहेब असते तर थोबाड फोडलं असतं’, ठाकरे गटातील खासदाराच्या ‘त्या’ वक्तव्यावर मुख्यमंत्र्यांचा संताप

ठाकरे गटाचे खासदार अरविंद सावंत यांच्या वादग्रस्त वक्तव्यावरून नवा वाद निर्माण झाला असताना यावर एकनाथ शिंदे यांनी देखील खंत व्यक्त केली आहे. महाराष्ट्रात महिलांनाचा अपमान करणं हे दुर्देवी आहे. ज्यांनी हे केलंय त्यांना सर्व लाडक्या बहिणी मिळून घरी बसवतील. त्यांना त्यांची जागा दाखवतील. जर आज बाळासाहेब ठाकरे असते आणि कोणत्या शिवसैनिक असं केलं असतं तर त्याचं थोबाड फोडलं असतं. त्यामुळे असं महिलांसंदर्भात वागणाऱ्यांविरोधात लाडक्या बहिणी नक्कीच त्यांचा बदला घेतील’, असं म्हणत अरविंद सावंतांनी केलेल्या वक्तव्यावर मुख्यमंत्री एकनाथ शिंदे यांनी संताप व्यक्त केलाय. अरविंद सावंत यांनी शायना एन.सी. याच्याबद्दल वादग्रस्त वक्तव्य केल्याचा आरोप करण्यात येत आहे. “त्यांची अवस्था बघा. ते आयुष्यभर भाजपात राहिल्या आणि आता दुसऱ्या पक्षात गेल्या. इंपोर्टेड माल इथे काम करत नाही. इथे फक्त ओरिजनल माल काम करतो” असं वक्तव्य अरविंद सावंत यांनी केलं आहे. या वक्तव्याप्रकरणी शायना एन.सी. यांनी सावंतांविरोधात नागपाडा पोलिसात गुन्हा दाखल केलाय.