MNS Raju Patil : …आमचे लक्ष आहे हे विसरू नका, मनसेच्या आमदाराचं एक ट्वीट अन् चर्चांना उधाण

मराठी विरुद्ध कितीही मोर्चे काढा, आमचं लक्ष आहे हे विसरु नका…असं म्हणत महाराष्ट्र नवनिर्माण सेनेचे माजी आमदार राजू पाटील यांनी एक ट्विट केले आहे. मीरा भाईंदरमध्ये व्यापारी संघटना एकवटलेल्याचे पाहायला मिळाले होते. दरम्यान, मनसेकडून दुकानदाराला झालेल्या मारहाणीनंतर व्यापारी संघटनांकडून मीरा भाईंदरमध्ये मनसेच्या विरोधात आंदोलन करण्यात आलं होतं. याच पार्श्वभूमीवर मनसेचे माजी आमदार यांनी एक ट्वीट केलंय. या ट्विटमध्ये एक वाघ तळ्यात पाणी पितानाचा फोटो राजू पाटील यांनी पोस्ट केलाय. तर मराठी विरुद्ध कितीही मोर्चे काढा, आमचं लक्ष आहे हे विसरु नका.. असा इशाराच त्यांनी इतर भाषिक लोकांना दिलाय. या ट्विटमध्ये मीरा भाईंदर, मराठी, महाराष्ट्रात मराठीच भाषा असे हॅश टॅग देखील त्यांनी वापरले आहेत.